雙週記

又懶,成兩個禮拜冇寫過....不過都冇人黎睇既啦~~~~~耐小小寫都冇乜問題既~~XD

6月12日,繼續考試,都係一貫既唔多識,唔同既係朝早冇同佢地去圖書館溫書,走左去B316同Jacky溫,真係好唔同呀~~~~冇左班長係度嘈嘈閉,換黎既係同Jacky清清靜靜唔溫書,至少都溫得多左~~~不過麻.......入到試場,又唔記得晒~~~XD........

6月13,14日,原本已經開始雙失,但係上個禮拜既黑雨搞到仲要溫書......搞錯呀!!!!!

6月15日,返去考試,都係同Jacky溫書,魚蛋真係變態架,幾乎全部tut都背晒入腦呀......Jacky佢,佢全部都識答....仲要係全部main point都岩晒......唔怪得佢咁高分啦......相比起自已就....orz......又同上日考試咁,唔X記得好多野......都應該過到既.......睇下Simon Sir點比啦.......考晒試,成個人都鬆晒,不過都係一陣既咋.....實要考多次......Dino話佢個科得幾個人fail喎,佢講緊邊份呢?CA定考試呢?

6月15,16日,都唔記得做過D乜lu......應該睇左好多日式麵包王,打左好耐FM咁啦.......

6月17日,返工,好耐都冇返過工喇.....正維返左黎,話今日舊校有校友會,叫我返去睇下喎.....成日都冇乜野,係個人妖係度食蕉羅......放工,走去舊校,好耐都冇行過條長命樓梯喇,行去去hall已經好支力.....以前要上操場仲要行多一斷路架......入到hall,見返D呀Sir,冇乜點變,只不過係老左......好快選完校友會,成班人係度食野吹水,係好八既情況下,知道左以前教電腦既呀Sir已經有個仔仔,佢仲入埋校董會,以前既small potato已經變成big potato......又 知道左個hall竟然水浸過.....係半山都可以水浸羅......買左本校刊,已經40年喇~~~~~係校刊道見到自已羅.....個陣我地去北京,依家有新西蘭去羅........

6月18日,要返工,頂呀峰個位,條友仔去左台灣......同Ricky一齊開工,條友原來仲hea過我羅.......掛住打機.........放工就同班同事去食tea,先知道間館有個好恐怖下既同事,好在我唔識姐~~~~~

6月19-22日,呢幾日都係好無聊下,係星期二同Ricky去換身份證,約2;15,但係2:15已經搞掂.....快到丫,跟住好無聊咁行到太古城,無錯,由銅鑼灣行到去太古城,經過呀姐屋
企,打比佢,佢見到我地羅......係我地見唔到佢.....又唔落黎.....行到去太古城,只不過用左個多個鐘.....乜咁快架.....走上去睇下軍曹既野,但係得好少羅.......跟住麻,返屋企lu~~~~~其餘個幾日都係睇下麵包王,打下FM咁羅......

6月23日,去呀偉屋企玩,所以都算早就出左門口,去到青衣城等,我當然早到啦.....等到差唔多12:00,贏人,原本去食lunch,點知個個都未想食野,所以就去呀偉度,原來呀偉咁有米既,兩間屋呀.....玩足成個晏晝,連lunch都冇食,食左幾件西餅就算打牌,Ricky要咩冇咩嘿嘿嘿....我就食左舖,不過我地唔計錢既......成6:30先走,返到屋企都差唔多8:00lu......

又週記.......

又黎一個週記.........考試呀,冇乜時間寫........係今日叫做多D時間先寫.......

6月1日------6月4日
呢幾日做過乜呢?都唔多記得lu......不過麻,實有溫過書書啦,就黎考final exam喇喎,想死咩........呢幾日,都係玩下,上下網,去mini同天秤人吹水,溫下書,打下機咁啦.......冇乜有咩特別,問題係好多野讀.......都唔知讀咩先好......又多野背,又多圖,又多數.......唉......點死丫.........

6月5日
考第一科,一早就返到去溫書,溫下,講下笑,咁就去到12:00,去食lunch,食完就返去溫,好喇,夠鐘考試,一羅起份卷..........仆街啦........咩黎架?好多都唔識...........勁吹落去,有D直頭係唔岩既野都寫埋落去........好灰咁過左三個鐘,出到去,成班人係度小鳩dino,有好多都唔係係notes道...........係咁小佢.....連Ricky話佢都只係岩岩好pass.......咁我地就真係死得..........玩下手連補考都冇得補,要出年再黎過.........屌!!!

6月6日
又係溫書既日子........朝早起身食左野,睇完報紙之後就上一上mini,睇下有咩吹.....係咁意傾下就算........食左lunch,就溫書喇......剩係溫MPLS,eddie話會有2條長問題喎.......溫掂佢就得啦,但係就好多野講.......仲樣樣都好似係重點咁.......都唔知溫咩先好.........溫左成個晏晝,都好似冇溫過咁羅..........聽日都唔知點........

6月7日
考第二科,又一早返去溫書......同早兩日一樣咁.......到下晝,考試,見到dino........shit.....又見到佢......仲要係佢監考......屌.......仲要係個會議室道考,唔係見到呀裕都唔知個房係邊.........真係好野........William爭5分鐘就冇得考添.......份卷都係唔多識做,又得補考.........

6月8日
又溫書書喇......不過聽日個科就好D,pass既機會都好大,所以好有心機去溫......呢份野實pass.......

6月9日
今日出街就冇雨落,所7以冇帶傘出街,點知坐van仔返去個陣個天爆大雨........又大風......返到去已經濕左1/3個身........返到去,見6唔到班長,原來佢又發爛渣,一陣之後佢又返返黎,但係又係度嘈住晒,所以自已走左上五樓自已溫,見到超大雨,所以去睇下係咪紅雨,冇.........繼續溫,跟住有班人講紅雨........shit.......落去同佢地講,一陣就變左黑雨.........唔使考.........但係唔知幾時補返.........去食lunch,食左個炒意粉,幾好食,夠濃味,正,食完就去左204,少人都丫,見到雨細左,咪走羅,同呀恆同班長坐的士走..........好快就返到屋企,仲唔玩咩.......上網呀,打機呀,仲睇埋3集軍曹...........等到12:00,4年一度既世界杯就開鑼喇!!第一場係德國對哥斯達黎加,一路同天秤人吹水,一路睇波~~~~~~德國班後防真係好得人驚......咁都比人入兩球,好在前面入四球者..........亞視D邊述真係好唔掂,係咁話其中幾個德國球員,大佬呀,人地點踢你咪點講羅..........

6月10日
今日呀,又上網,溫書唔羅.......又睇左幾集日式麵包王.........咁又一日.......今晚要睇英格蘭呀!!