又幾個日記......

又冇寫幾日日記喇......星期五做過D咩呢.......差D唔記得左......呀....晏晝先返學喎....咁又去維苑食lunch,又食咖哩豬扒飯,真係好好食耶~~~~~不過得兩個人去食,真係靜左D.....隔離?話比錢,但係比左好耐羅......乜咁架......返到去,上個一個鐘堂.......上完堂之後就等下,搞下個report,等呀康佢地個組個ftp presentation,不過佢地就比Dino勁插,仲話佢地係抄返黎.......之後點就唔知,我地已經走左.....不過呀康就同我地認左係抄架羅.........唔係呀化,連改D都唔做.......真係想出年努力呀,仲唔知係邊道聽返黎話fyp fail左有dip羅.....邊道有咁好既事架......呀康之後就到呀恆佢地,Jacky真係好好勁呀~~~~~連Dino都冇野問......實有丁羅佢......不過Dino唔多信班長做過野羅.....係咁chock佢.......無言......跟住到呀偉佢地,不過不失咁羅,冇乜野咁,之後佢地話Dino走左,冇理呀康佢地.........希望佢地冇事啦........

星期六,返工耶~~~~落雨喎.....應該冇乜人既......返到去,真係冇乜人耶~~~~可以舒服D呢,呀峰今日唔舒服喎.....呀華代左佢,冇乜野同佢傾,唔多熟麻.......不過晏晝好多人......幾乎做唔切添......晏晝去左間日本野道食左個定食,唔錯耶~~~~飽飽咁返工......不過人多就唔多開心耶.....印左幾份past paper,不過又晒左好多紙......好浪費喔.......>.< 放工,拿拿臨返屋企~~~~~

同平時既星期日一樣,同左呀爸呀媽去飲茶,食左好多野喔~~~~飽飽~~~~~行左一陣街街,百街,咁又落雨.....冇出街lu....返左屋企......又開腦上mini.....勁吹水.....呢個月係咁上mini.......個在線時間已經爆左上百幾分鐘喇..........

星期一,要返去test.....晨咁早就返去test,個test唔多識羅....不過有成60%係MC羅........test完就上埋最後一堂,不過又hea下hea下咁過,冇乜聽過書.....死喇.....成年都冇乜聽過書添.......個final exam等死羅......上完堂就去繼續做個report,同印埋D past paper出黎,搞到成三點先走,出去食lunch(完tea?),去左食小籠包同擔擔麵耶,好好食喔~~~~都係食左$18,就飽飽,呀姐又去搵仔,得返我同Ricky.....佢又溫書.........搞到我又好無聊.......返到屋企又上mini,死喇.....中晒mini毒添........

班天秤友話搞meeting,不過到時都唔知得唔得閒........

今日,端午節,又同左呀爸呀媽去飲茶,真係好鐘意飲茶喔^.^,食飽飽就去左百佳睇下有咩買,結果買左雪糕......一盒一公升既雪糕同蛋達雪糕.......不過張單上面寫左蛋撐雪糕羅.....笑到我hihi.....晏晝打機,仲唔比心機溫書喎.........開左隊新波,玩馬德里體育會,費蘭度托理斯耶~~~~加埋馬田柏杜夫,好勁呀......打到去10月中,排緊第二,唔係條後防輸個白痴波既話,可以同巴塞同分架.......得失球比佢仲好.....有榜首架........成個晏晝mini好靜....冇乜人,所以先走去打機.......夜晚.....打埋呢篇野,差唔多訓lu........

日記-->週記-->月記

嘩嘩嘩!!!!!
好X耐都冇入過黎寫日記喇~~~~~~~真係懶得緊要..........=.="

都唔記得做過D乜........

剩係記得返工個度開始多野做......個電視房開左冇耐就勁多人黎睇......尤其係母親節前一日......都唔知做乜,多人多到死,唔好話所有電腦都有人,連電視房都爆晒.......D細路都唔知有乜咁好睇,D卡通一D都唔好睇同唔靚,但係仲大把fans.......有陣時就冇乜人,就搵同事吹水,吹下玩下就夠鐘放工,上個星期六,個館有野整,有野鑽,有個人就話嘈親佢,問可唔可以停左佢,仲要我講羅.......好在副館長岩岩係度,同佢反映左,不過話鑽多陣就得,咁個人就冇聲出........又有個類似人妖既"人"成日黎,其他同事話佢係人妖喎,不過真係成把男人聲......驚驚喔.......早兩日收到email,話我好helpful喎.......唔知邊個館長咁睇得起我......定玩我呢?我一個禮拜先返個一日........佢地仲要唔係個個星期六都返.......會記得我既???

返學個度麻.....冇乜野既,係D test死晒咁濟者,不過有lab呀,tutorial呀,assignment補救,唔會咁易瓜既,不過就算瓜左都有得補返,都唔係咁緊要既........係考試就唔好死呀,唔想七月返去考呀......近排都係掛住攪個final year project,我就冇乜點做既喇,所以咪要做多D文件工作羅.....不過就抄抄貼貼,抄上年師兄個份final report,當然改好多啦,要個format之麻........不過呀Ricky就真係好好野,做得好好......所以就晏左D先開始做report,不過就可以遲D先交......好緊張......到做presentation個日,著左成幾年都冇著過既野~~~~~老西.......自從中學之後都冇打過呔喇.......到做presentation,好緊張,又有D唔多識點講........不過就幾順利咁完左,兩個呀Sir都冇乜點插......好在.....佢都幾滿意下......一身鬆晒......可以準備考試,不過,hea多兩日先~~~~~kerokerokero........

其他方面.....都冇乜野既.....係早兩個禮拜買左盒軍曹模型~~~~係年幼時期的喔,有尾尾架~~~~仲有盒"鋼普拉"......有份渣古.....仲有埋說明書.....係切渣古既.......真係好掂~~~~唔係好貴,買左$38....好快就切好~~~~好得意喔~~~~份說明書見到有Kululu既年幼時期,唔知會唔會有得出呢?有尿片同奶嘴的喔~~~~