放假週

又成個禮拜冇打過日記,因為呢個禮拜放假丫麻........玩既啦梗係,仲記得打咩.........

星期四,五已經開始放假,都係打機上網羅.......

星期六要返工,一出電梯就收到呀Joe既電話,話我冇sign-in,話要係1至2個鐘前sign-in,如果唔係就唔知我地記唔記得返工喎......真係on9既,唔返呀你係咪可以係一個鐘裡面搵到人返工丫......我可以由起身到返到工半個鐘就得,依家一定要早起身.......凸......好在早左D返去,返到去,所有腦道門都鎖晒,又唔知邊道搵匙,又問,一條友開十幾部腦,要時間架.......個館長又係度,即係冇得蛇....今日唔多人,所以都算得閒,又玩下部av機,好易用,放工又要鎖返D門,要係無鳩聊,慌死有人偷咁,好在人小,所以可以早D熄機鎖機,都準時走到,返居企食飯.

星期日唔使返工,飲完茶又係屋企打機,呀恆打黎,佢去遊戲展,佢屋企仲上唔到網,仲話一有人新裝hkbn佢就會上唔到網.........

星期一又要返工,一早起身開腦sign-in,sign完就熄機.....無聊......返到去又開門......朝早都唔多人,不過晏晝就好多人爆晒.......偷雞印左BN既chapter 6,費時上堂又冇notes......夠鐘,鎖機,有條粉友唔肯走,話要send埋個email,但係又唔知自已打左個D野去左邊,又搞一輪,我屌,攪到我五點二先走得,諗住行樓梯,又成班人係度等自修室,落到去又走左班van仔,架巴士又爆6晒都唔開車.......真係........

今日係假期既最後一日,又打機上網.......呢幾昆科林好靜,冇乜人上過.......今日先搵到軍曹105集既字幕.....睇埋,Keroro又搞gag,搞到嚴重赤字........

3日記

又三日記喇!!

星期一,係屋企,又打機.......

星期二,返學,早左D返去,比呀Ken睇份project,佢話整靚D個介面,個保安好D,客人要睇到自已係邊度用左幾錢(寫低先,費事唔記得),跟住就上Dino堂,又有assignment.......晏晝大班人去左飲茶但係唔知點解肥揚又跟埋黎......因為係Ricky請既關係,所以叫點心,原來兩點就有下午茶,平D架.....所以叫左好多好多野食,埋單都係$193,咁以後星期二就可以黎飲茶lu.......平D丫麻,又可以成班人吹水,又唔使同人爭位坐.......返去上kt堂,好眼訓zzzzZZZZZ.......

今日返10:30,Ricky成9:47先到........返到去上Simon堂,又hea,食左半包薯片......lunch係canteen道食,個揚州炒飯冇乜味,不過就好飽.......上Eddie堂,要抄notes,不過又好眠訓.........放學,Ricky要返工,拿拿臨走左,我地hea下hea下咁去下廁所,等下小巴,等下地鐵,但係係荔景站見到Ricky......冇錯,係Ricky,我同呀姐見到佢,笑到肚都痛埋,我地咁hea咁走都追到一個趕住走既人,佢話係葵芳等左5分鐘地鐵,又係荔景等左4分鐘車........佢一落地鐵又好快就走左,好趕,返屋企又搵呀糖,見到自已老婆有得跑,自已就冇又係度嘈........結果未落街已經要抖大氣........返屋企,又開腦,打日記......

玩狗狗

今日去拜山,所以早左出門口,去左岩岩裝修完既花園,D野都幾好食,價錢又唔貴,幾好喎!!去多D先.食飽飽就搭車去拜山,坐左幾耐車,但係只係拜左15分鐘左右.......跟住去左太古城行吉之島,經過呀姐屋企,星期二先知佢冇出街,早知搵下佢啦.......食埋晏就返屋企,返到屋企,搵呀糖糖,佢真係好鬼叻,識得睇時間,知道夠鐘有街去,又識自已羅狗帶比呀媽,仲可以雙腳行一斷路.......好喇,有街去,見到另一隻狗狗,係女仔黎,呀糖即刻去「鹹濕」人地......你都有老婆既啦.......咁快搵二奶?仲要係自已老婆面前........玩完,返屋企,開腦,見到有FIFA Woril cup 2006 Demo, down落黎玩先,好耐冇玩過呢D game,唔多掂添......

館長又發膠

今日又返工,返到去,見到AV房個堆DVD機已經set好左,我地要學,不過份notes簡直就係冇講過野........有個細路女印野,佢乜都唔識羅........依家仲有細路仔係電腦白痴?D multimedia機又發癲,開左成15分鐘機.......食完lunch,見到雪糕車,食飽左,食唔到.......返到去,館長就係度發膠,話D細路唔可以用opec機,要用就入去用兒童個D,又話D細路要入去兒童館度睇書,佢都癲既,細路都有人權架,佢坐邊用咩機我都管唔到架,一陣又有家長黎嘈咪搵自已黎搞?跟住又乜都唔理咁話人家打機,其實人家就玩緊D教育類既game......放工,走人,返屋企,開腦上網

周記

又成個禮拜都冇寫過.........

星期六返工,館長唔係度,所以hea下hea下咁過.......

星期日飲完茶就返左屋企,打機&打機

星期一,整理左書櫃裡面既野,唔要左好多notes,大部份都係dip個D notes.....

星期二,test BN,又要畫好多圖,死得

星期三,清明,返工,館長都唔返,又hea......

星期四,同呀恆班長去食雞.......放學就齊齊做Mobile份功課,唔識,抄........

今日,叫做交左份功課........又hea下hea下咁過,放學去睇下有冇軍曹發聲扭蛋,扭左2隻Dororo =.=".....換左呀恆個隻Tamama.......跟住係香港站買公仔.......又去買六合彩,結果中左........2 個 字...................................