補考呀~~~~

成個星期都係要考試,搞到冇乜時間寫日記.......

星期六要返工,原本好地地冇乜野做,但係個無聊館長話我地冇野做喎,嘩,唔通冇事搵野黎做呀?你都on99既,話冇野做會有人投訴喎,有病既,搞到我地要成日周圍走......
星期一要考DT,返到去搵左AP個help desk先......畫返隻龜比佢就走,上圖書館溫書,呀祥同肥揚冇上堂,走埋黎溫書,話上年份main卷同supp卷有80%以,咁成班人咪做份main卷羅......冇食到lunch.....係C215考,係canteen裡面,真仆街,見到呀John......=.="羅起份卷,仆喇,得個20%係main卷出過.......好在都有溫過書,都ok丫,應該得既.....但係肥揚就....見到佢灰爆......呀祥都ok.....

星期二冇返學,係屋企溫NT.....

星期三又一早返去溫書書,搵埋Raymond,我地兩個都唔多有信心,因為真係有好多野讀........結果都ok,冇事既.......

今日又冇返學,溫AP......

N日記

好多日都冇寫過日記喇......有幾日既野都唔記得,剩係係星期二要test EN,朝早上MN個陣都冇乜點聽過,都係溫書咁,跟住test個陣見到份卷,仆丫,冇FCAPS?唔係呀~~~唔多識做,見到隔離魚蛋份卷有FCAPS,仲有成10分,小丫,好大細喎!!搞到都唔知有冇50%........
呢幾日都係溫書,做埋份CA,但係有D唔識,要搵人幫手........仲要做MN個份assignment....個死人dino又唔寫清楚,搞到好多人都唔知點做好.......
今日就要交份assignment,係咁意做左,上佢堂個陣就係咁意講左自已搵左D乜........

好無謂呀~~~~

呢兩日夾埋都係返個三個鐘,但係搭車都用左成四五個鐘,真係仆.......尋日就去左食雞,好熱,亦都好油,但係又好好食.........上左兩個鐘tut,都係唔多明,尤其kt個份.......其實就唔難,但係就搞到好難咁,正如Ricky講,都唔知邊個發明既........Ricky原本話今日要返工,但係就搞錯左,唔使返,結果今日就齊齊去維苑食晏,墨丸又黎埋,食完返去上Dino tut,又冇乜點聽,聽左都唔知係乜........呀姐又唔返學.........落堂,佢地上golf,我同呀恆就走lu,呀恆約左人行灣仔,結果成程地鐵我就打NDS.......返到屋企樓下,見到"富豪雪糕",好耐都冇見過雪糕車喇!!走左去食軟雪糕,好好好食呀!!!!呢D先係軟雪糕呀!!!!上到屋企,又上網,打機咁羅.......

比Simon Sir fake左

今日test Multimidea Communication呀,唔多識,朝早Ricky都準時,返到去,見到呀偉佢地係出邊溫書,咪齊齊溫羅,跟住入去班房,呀恆佢地原來一早已經係度,好喇test,Simon話要隔位坐,但係就唔夠位,最後都係要有D要坐埋一齊,見到份卷,有D唔識,睇下Ricky先,點知佢都.............有D自已識做,做完咪搵佢對下答案.......又抄咁D,test完,Simon話份卷全部都可以係notes度搵到........仲有一題,大部份既人都做唔到........呀偉就灰爆.......係新canteen食lunch,都唔錯丫,呀恆部nds有軍曹game,梗係跟機啦,上BN個陣打,唔識玩=.="放學,Ricky scan左份BN tut,跟住又搵呀恆羅部nds玩,打爆左兩個mini game,睇黎呢隻game好快就爆機..........返屋企,開腦,上網

溫書呀~~~~

尋日,冇乜野~~~朝早咪上網睇野咁羅,同jkhei係icq吹左一陣水,佢原來都好X得閒.......不過佢有一科fail左,要retake過,咁就$4500,副學士真係呃錢既.......晏晝,要溫書書喇!!不過麻........唔多明喎,點解上堂個陣會聽得明架?.?依家就唔記得左.......聽日咪仆........聽日都係要問下ricky......夜晚,又打機.......

新電話~~~~~

今日出左去灣學飲茶,去到去開個間茶樓,咁小人既?一坐低就知咩事,加左價,不過都唔係貴,食飽飽,行去銅鑼灣衛信睇下部MYX8,原來賣$2380,分期先貴,咪睇下部機羅,得返一部,唔係呀~~~~係呀,最後呢部呀,睇睇睇,試試試,掂喎,咪買羅,原本個部都開始壞壞地lu......送張256MB既mini SD,同一個handfree,不過原盒已往有,我唔係怪物,有四隻耳呀~~~~返到屋企,睇下份說明書,話冇傳輸線送,要自已買,有D呃錢喎,傳輸線都要買?算,買籃牙仲好啦,起碼有其他用麻,仲要搵保護套買,安全D麻.....部機真係幾靚,拍野同影相都得,搞左一排,玩完,開腦,lunch冇錢呀,食杯麵乍........一部電話幾乎用晒幾個月人工........

返工

又返工呀~~~好準時咁返到去,開左CIC房D腦,跟住就坐係度接電話跟住比人fake左,話唔識就飛線出去啦,不過個飛線NO.就講錯左....=.="....搞到我唔知點好,好在附近有人,可以聽電話......,都幾多人黎book機,都好易做下,問題都係點印野先要收錢.....好在成日都係得兩個人要印野,12點,另一個CT返到,又同佢吹水......1點就去食晏,行去謝記道食(炸魚皮喔),不過就等左好耐先有得食,個仆街老闆娘丫,少人個陣就死咁好態度,一多人就扮晒野咁,催下都唔得咩~~~凸.食完就返去,又吹水,有個唔知點叫既同事要整好多CD,仲要慢慢貼D紙仔上去,佢話有好好好好多要整.......話聽日實搵高佬(Ricky)幫手,嘿嘿嘿.咁就去到5點,收工,返屋企,夜晚同呀爸呀媽出左街打邊邊,食都好飽呀~~~~

返學~~~

呢兩日梗係返學啦,星期四上12:30pm......11點幾就要食lunch,真係好無奈,Ricky話唔去維苑道食,試下其他,但係就真係唔知有乜好食......有不過貴之麻.....=.=" 上Dino lab,又係hea下hea下咁過,又玩下電話咁羅.......上完就上兩堂tut,上之前去左羅AP份CA,一睇....乜咁易既?連我呢個唔多識既人都話易,咁真係可想而知有幾難.......上kt堂tut,份tut係乜?真係死得,咩黎架?連Ricky都唔多掂.......不過Jacky識喎@.@ 上完就放學,Ricky搵左呀Rick去行後山,去斷背?結過聽日Ricky話自已行到一半已經冇氣,要落返山,乜咁虧架~~~~~
今日返8:30pm,Ricky係7:40已經到,準時喎~~~返到去,上Simon Sir個lab,好鬼死易做,好X快就做完,跟住就做埋星期二冇上既tut,呢個就幾難做........呀Sir為左我地可以溫書,比埋答案我地,但係得最尾個D?前面個D呢?Simon話notes有喎........上kt個lab,又係好無聊......咁就放學,Ricky同班長要打golf,所以我地就走先,去葵芳食M記(點Jack)......食完就走,得返我同呀姐坐東涌線,嘿嘿嘿,蝦下佢先~~~~~自已係銅鑼灣落車,去左衛信睇電話,有MYX8,不過要223*12=2676?咁貴?經過三越,落去睇下野,有新既軍曹模型,仲係賣$48,搵日去太源街睇先.....又見到有軍曹雜誌,係日本既,好貴,要成$60,好想買~~~~最後都係冇買到,貴呀~~~跟住就返屋企開腦lu~~~~

兩日五點半

呢兩日都係返十點半,係7號返去個陣係學校個停車場道見到架hp既車,不過就冇理,上Dino堂,又吹水,講下書就完左,上Simon堂,佢就冇到,係今日佢話睇錯timetable.......第一次見佢咁失策,成班人晏晝去左据扒,冇錯,又据,成13個人去......要分開坐,食食下仲多3個到......真係可以包起成間野........食完返去,又去呀Rick道搞事,佢話去睇hp有架車仔送,但係呀肥揚話送晒,得返mouse pad.....上kt堂,佢又好晏先到,結果又唔講得多就放學.
今日去左睇hp,個RFID就真係好有趣,睇完,諗住有車仔羅,點知話呀Sir先有,又比呀Rick fake左.上Simon堂,又晒左好多時間.......晏晝去左食腸粉同煎餃子,食完去左7仔,扭左個Tamama扭蛋,好開心喔!!返去上Eddie堂,好眼訓zzzzZZZ.......跟住上lab,都幾難搞......好在五點半都搞得掂,咁就返屋企啦,去左銅鑼灣轉車,費事塞車.......

係屋企

呢兩日都係係屋企,冇乜野,當然打機,上網同做BN份tut之外,就溫左陣書.........得返幾個禮拜.....仲有test......

返工~~~

今日第一日返全日,九點半出門口,岩岩好九點十返到去,問下有咩做,話要記低出邊上網D機既資料,都未乜點睇過就比人坐晒......做唔到,跟住就要整部電腦,將來比CIC房同AV房登記用(即係比自已用),話咁快就整完,不過個度好死多塵.......跟住郭生開左個CIC房,開咁D腦睇下有冇野,冇野丫.....係D電腦好熱.......就係冇野做,另一個CT返到,齊齊係度hea,比個館長見到我地好hea,就話要開CIC房比人用,但係佢又乜到唔清唔楚.......又要睇其他館點做,夠鐘食lunch,近近地去左食KFC(D薯茸好食麻...)食完上左去紅蘿白對面個間精品店,見到有Kururu對講機,$90一個,仲有Keroro扮青蛙既公仔,不過冇Tamama.....返去,係咁意印左份使用守則,走去過膠,部機好慢呀~~~~跟住又hea.......hea到五點,熄機走人,同埋Ricky出去灣仔續新約,未夠鐘,食左雞蛋仔,見到隔離間印度餐廳,有個人轉薄餅,好勁喔!!跟住去打Mario,打左佢一下乍.......上去簽約,Ricky個份有唔同喎.......搞左一輪,呀Joe上左黎,問左佢張證點,佢話有好多未整....=.=" 簽完同呀爸呀媽去扒房据扒,真係唔同D,塊扒靚好多同好好食,不過就要百機蚊份........食完就返屋企lu..........

新狗狗喔

隔離屋黎左隻新狗狗喔,6歲,女女,已經係呀媽級.......
D人真係好仆街,買左隻狗返屋企,生埋仔仔女女之後就唔要個呀媽,將佢送返去間寵物店道.......

返一個鐘堂

今個week真係得閒week,今日返得個一個鐘,晏晝係維苑食,個龍利柳意粉話走洋蔥,但係佢就多左磨茹.......上堂,又冇乜點聽,同墨丸吹水,諗計玩八串一,幾難喎,場場都差唔多......落堂,成班人去打網球,打足兩個鐘,要人趕先走,班長真係搞事既,又打左D波出街,已經係第五個......返到屋企,上網睇下野,打返呢幾日既日記.........

蝕呀~~~~

朝早返去搞project,我做BN份tut,唔多識做,又抄,真係等死.......做完,呀Ken落黎睇,基本上佢都幾滿意,佢話仲可以整多幾個function,整靚D個介面,佢就走左,跟住去左C房print BN既notes,印完,去食晏,同埋呀Rick, Henry同埋兩個唔識既呀Sir去飲茶,大班人,吹下水,食下野,每人夾20蚊,11個人,埋單只不過係125,呀Rick就比15,蝕比佢添,早知食多D野啦........返到去上tut,個頭唔多舒服......捱完,呀姐話去搵Edmon,問考試個題,搞到好晏先走,不過佢請左成班人食野,好豪呀,fan蕉,不過自已就真係好餓,再買多份野食.......返到去都好夜lu.......

搞事既一日

今日都係返10:30,返去上Simon堂,聽下書先......Ricky就幾乎全程打NDS......食完晏,返去上堂,Eddie堂,佢又係冇電腦既情況下講書,佢真係上晒腦.......落堂,諗住比呀Ken睇project,點知就setup唔到,D software唔得,求其比佢睇左,不過聽日都要返去比多次佢睇,返屋企,架巴士去到大有個度比架車cut線,叫做撞左小小,小小咁大把,都要報警,呢個唔係問題,問題係個司機唔出聲,成班人係就呆坐.....等到下班車到先落車,一落左車,搵個司機,話佢唔講,最好野就係佢話講左.......搞到好夜先返到屋企,今日真係搞事既........