Where is 入境處?

今日返10:30am,係等Ricky個陣,有個唔知咩國籍既人走黎用英文問入境處係邊,咪話比佢知唔使落地鐵,係前面上橋,直行到最尾就到.返到去上Dino堂,又吹水......晏晝去左食麵,唔多飽.......繼續上堂,呢個要聽書呀,唔係就死得既喇.......放學就返屋企lu...

返工~~~

今日有工返呀,仲要係返香港仔,朝早同呀爸呀媽飲完茶,行左陣街之後就打比Ricky,睇下佢去到邊,上到去,見到佢已經係度,搞一大輪先開到工,當然要問長問短啦~~~今日仲未開個CIC房,所以就冇乜野搞,不過就要入去兒童館道睇下D opac機,初頭都幾無聊下,間中搵下Ricky吹水,係去到三點幾四點,有班靚妹仔係度做功課,又唔多做野,係度玩,基本上冇乜問題,係佢地又唔識打中文,成日係度叫我,嘿嘿嘿,咪同你玩下羅~~~~~有個真係好暴力,係咁打我=.=".....咪串下佢羅,話就黎夠鐘,要我打快D,我咪話"你冇功課交之麻......."夠鐘,走人,Ricky唔等我就走,不過就冇lift,都係要等埋我~~好早就返到屋企~~~~~

又玩

冇工返,係屋企玩,朝早就上網睇野,睇下呢樣又睇下個邊,上下科林整麵......食完晏就打FM,隊曼城真係掂,排第二,連曼聯,阿先奴都唔及我隊波,哈哈哈........不過隊波就冇乜後備,係十二月快車檔期班球員踢到殘晒......係一月頭,搵人簽,簽到D好既球員,下年就可以兼顧歐洲賽,食完晚飯,睇大結局,唔係呀化,套野吹成咁?同歷史差好好好遠喎!!

又玩

冇工返,係屋企玩,朝早就上網睇野,睇下呢樣又睇下個邊,上下科林整麵......食完晏就打FM,隊曼城真係掂,排第二,連曼聯,阿先奴都唔及我隊波,哈哈哈........不過隊波就冇乜後備,係十二月快車檔期班球員踢到殘晒......係一月頭,搵人簽,簽到D好既球員,下年就可以兼顧歐洲賽,食完晚飯,睇大結局,唔係呀化,套野吹成咁?同歷史差好好好遠喎!!

成日都係204

今日返八點半,好早喔.......Ricky話可以係7:45前到,但係都............返到去,上lab,又係做埋D唔知係乜但係又好易做既lab,好快就做完,但係有幾題問題要答,抄左好多書.....兩個鐘後上第二個lab,KT唔得閒,HK Sir上,好耐都冇上佢堂,不過佢仲同以前一樣,佢仲好順得人,剩返半個鐘落堂個陣KT返左黎,做埋另一part既lab,不過就好鬼無聊.........晏晝去左名古屋,叫左個快餐,一D都唔快,見到人家食扒,鬼咁大塊......蝕左.....返到去上tut,又係係204上.........放學,Ricky同班長去上golf,呀姐,呀恆同我就走,諗住有校車,但係就車影都冇,去坐小巴,多人......行去撘巴士,去青衣,好快就返到屋企.返到屋企,又開機........

N日日記

嘩!!原來自已好多日冇寫過日記,早幾日既野已經唔多記得,記得就寫下啦......
係15號Eddie同KT話佢地兩堂既tut都取消,所以16號就唔使返......仲諗住做下project,但係Ricky就要返去同City U開會......個日Ricky開完會之後打比我,話我炒左3科.......要補考.......
17號,兩堂lab都唔使上,搞到晏晝兩點半先上堂.......佢地原本有golf堂,但係呀Sir去camp......
18,19,20號都係玩....冇乜其他野.......
21,22日,返學,放成5:30pm....22日Eddie話去visit City U既係下個星期一去,仲要係學校去,Ricky要由灣仔去青衣,再去九龍塘,不過班長仲好玩,係觀塘去青衣,再去九龍塘.....呀Sir好似玩野咁.......好在自已唔會去.....
呀Joe打比Ricky,話星期六同日有CT返,返香港仔,咁Ricky就返星期六,我就返星期日,三月香港仔個電腦房開喇,咁六日就有個full time位,Ricky個LA話同人調左,返星期六,所以佢返星期日既CT,我就有星期六返,好羅,有香港仔返.......

今日,九點半就返左去做project,講好左係九點半,但係呀姐就成十點半先返到羅........做左Bi-weekly report,跟住就做埋BN既tut,晏晝去左食麵......唔多飽......呀姐又買左蝦條,又食,呢兩日食左好多蝦條,熱氣死.......放學就去左百佳買手卷食,$20有3件,不過就有D麻煩,要自已卷紫菜......食完就返屋企lu.....

繼續玩

星期一day-off喔,今日仲可以繼續玩,朝早地身食左早餐之後又開腦,都係上Mini,科林整麵,唔知點解,星期一好似好好整,整左幾多貴價麵,賺死,仲有錢到注資落兩間公司,買埋寵物,食完晏,做左D Broadband Networks既tut,有D notes有得抄,有D就搵唔到,仲有D係未教.........做唔晒.做完就落左街交學費,咁就冇左萬多........返屋企繼續玩,打埋AOE 3,打埋最後個場故事,玩完打CS,又係咁殺殺殺.......跟住就睇叮當,睇完又打機.........食左dinner又打FM,開左隊曼城,係好多轉會費,但係其實就冇錢,個balance都係得百零萬,但係就有七百萬買人.........玩到咁上下,整多碗麵,打埋呢篇野就zzzZZZ.............

又玩足一日

今日呀爸呀媽去左玩一日遊,咁就晨早走左,我就訓到晏一晏先起身,求其食左個早餐,做咁D野就開腦lu,上科林整麵,搞錯呀,整左好多碗,但係冇一碗過70,最低得17,不過呀恆就整到碗8,破晒記錄......BT左軍曹第96集,又係笑餐死.....繼續玩AOE 3,好好玩喔,想玩FM,但係又比電腦屈機......冇玩,打CS,殺人,殺左好多人先順返條氣......夜晚,又上下網睇下野.........

真係玩足一日

今日其實真係冇乜野可以寫,因為就係咁開住部腦玩,唔係上網就打機,上網就去科林睇下野,整下麵咁,打機就唔係打FM,打返AOE 3,玩返個故事................夜晚就出去食飯,同呀婆做生日,上到去間茶樓,見到今晚有個春茗,其實就冇乜人,但係隊band就係咁係度彈,嘈到死,D歌又唔係好聽,搞到我地成玩人傾唔到計.......D野食又小,又唔好食.....shit.....

八點半

今日要返八點半,又係天都未光就要地身,出到去灣仔地鐵站,好多女學生企係度,搞到我冇位企.....等下等下,又羅左份報紙睇,Ricky又唔知醒.......成七點九先見人........返到去,好準時,但係A204就冇人.......等羅,又上科林整麵,Simon Sir一到就派lab sheet,就搵左我黎搞......個lab有D無聊,好快就做晒,跟住佢又派埋tut,又話我地想調堂就要成班讚成先得........跟住有四個鐘lunch,成班人去打波,呀William真係好勁,唔係話有實力,係有mass,真係冇人推得郁佢,佢係籃底真係屈晒,連Ricky咁高都唔夠搶,比William撞開.......好"支力",話去飲茶,但係班長唔去,呀偉,Raymond又唔去,得返四個,走左去食車仔飯,一去到,見到呀John.....汗......叫左個炒麵同碗仔翅,食個陣佢聊我地傾計 ,呢個時候,墨丸無啦啦走黎,呀Jonh好順手就跟左佢走,嘿嘿嘿......食完返上204e等上堂,玩開麥記,呀姐差一個月先到2020年......上Dino堂tut,又玩下玩下咁過,落堂去左食tea,吹下水咁,跟住就上Simon Sir堂tut,又係玩下咁過.......落堂,返屋企lu.....冇開腦,費時啦,聽日都有得玩.

無題.............

今日返晏晝,原本呀恆同班長話同我地去食lunch,但係佢地又話要返去做project,所以得返我同Ricky,因為係12:30上堂,搞到要係11點半就要食lunch,去維苑食,個人都唔知係咪既,好似乜都唔識咁........又要比學生証比佢睇.食飽埋單又比錯單.........返到去,個房冇人,就上網咁啦,呀姐走左去射箭箭,唔信係12:30上堂.......要睇time table.....上Dino堂,又係玩下,吹下水,做下咁,又兩個鐘,去上Eddie堂tut,要做tut,但係唔可以好似上個sem咁抄答案,真係要自已做,如果唔係到考試就死得......kt個堂就唔使上,去左印notes,印左成個鐘咁滯,印完就走lu......幾早下就返到屋企,又上網,玩下股,整下麵,咁就一日......

四個鐘Eddie Ng

今日都係返十點半,尋日就塞車塞到死,今日就冇塞,所以幾早就到,入左去&仔買過個樽,費時好似尋日咁搞到成個袋都係水......搵下搵下,見到個百事樽,係日本裝,又幾靚,咪買左佢,不過就好貴,成$15.....返到去上Simon Sir堂,佢仲係咁,好快就落堂,去左食麵,食完就上Eddie Ng既堂,佢又要我地自已印notes,但係冇乜人印,拿拿臨上去印,都印唔夠,冇計......又同上個sem咁,佢寫乜我地就抄乜,過左兩個鐘,又要上佢既lab,又係佢.......個lab又係得Ricky做,我同呀姐就係度打機,呀姐玩開麥記,但係就.....負錢.....嘿嘿.放學,走人,好快就上到小巴,所以返到屋企都算早.......食完飯,又開腦.......

返學

今日係Sem 4既第一日,十點半就返到去,呀偉話有學費單,咁我地咪齊齊上去羅,要交成$10975,不過係最後一次(唔好再有下次),咁上堂,係moblie, Dino教,佢又係度吹水,兩個鐘既堂吹左成粒鐘去,叫做講過下書......有三個鐘lunch,成班人去睇下有咩體育course上,話玩golf,偏偏我就唔鐘意,冇報到,跟住成村人(成9個人)出去葵芳,又入左機鋪,說世界好細,又見到個條仆街,無聊到點半,上去維苑食lunch,食完就走左去葵芳廣場扭扭蛋,結果就......扭左成八九次,出左五個女人,係夏美同麼呀........最仆既係係另一間道見到成套都係賣60蚊,仲平過扭.......呀恆話將四個女人放上epc道,睇下有冇人要......返去上kt tsang堂,佢講書又ok喎,起碼冇叫我地自已搵答案.......放學,呀姐同班長去買野,買完就坐地鐵返屋企lu........
Ricky話腸胃炎......乜咁弱架......

最後一日lu.....

今日係Sem 4開課既日子,但係我地就星期一day off,唔使返學,所以仲可以玩,天氣幾好,搞到唔想地身,但係都要起身.......睇完報紙,又開腦lu......當然又一路上科林搵錢,一路上其他網,同尋日差唔多,運氣都係唔多好,仲要整整下麵死server........又唔郁得喎,唔係就三舊水冇晒.......食完晏就打下機,打下FM,又打下Sega個模擬器,玩返以前細個打過個D game,不過都係爆得兩隻game......真係唔識打機.......夜晚冇開腦lu......聽日第一堂就係Dino......頂.......

今日叫做打個平

星期日,落左香港仔飲茶,呀爸係大陸旅行食多左,濟住濟住咁,佢食唔到好多野,我同呀媽就食飽飽.....食完就行左陣街街,行完就返屋企,開腦,上科林,又去麵館搵錢,今日就冇咁好彩,成日都係3x到5x,賺唔到好多......最仆就係出左碗14.........shit!!晏晝係咁意食杯麵,跟住又係咁整.....叫做都係打個平.......暫時間公司仲未有咁多錢注資......仲係仙股.....

搵左好多錢喔

今日冇工返,雖然係有得玩,但係就冇人工收.同以前既星期六一樣,落街買左份報紙之後返屋企一邊食早餐一邊睇報紙,真係恐怖,大大隻船可以無啦啦唔見左,好似百慕達咁......睇完就開腦,上唔到科林,仲諗住班長既問題,點知係自已唔知做乜,剩係去唔到科林,搵hestory條link先去到.......梗係開始搵錢啦,係麵館整麵,開頭鬼咁好,兩碗麵就賣左千幾,跟住就係咁整,比我整左個bug出黎,負體力仲可以整麵,最多係負多D......幾乎成日就係麵館整麵,係等既時候就睇其他科林,夜晚又得番自已一個,走左去間茶餐廳道食,都ok丫,唔錯.返到屋企又繼續搵銀,搵左成四千幾,用左四千玩上市,不過就要等人批.....希望唔會比人狙擊啦.......我唔夠錢去抬高個價架......

我隻手好好食咁........

今日約左呀恆,班長,Ricky出去同呀恆& Ricky做生日,朝早起身同呀爸去左樓下個間茶樓飲茶,呢間死野D野食已經唔係好食,仲要扮晒野,計過年價,茶錢要成六蚊一個,仲貴過香港仔.......係咁意食左小小,就返屋企做埋D野,跟住就出街,岩岩十二點去到觀塘,點知個班長話佢仲係則魚涌......呀恆就打緊機......先去搵左呀恆,再等埋班長,佢話得四條友真係去唱K呀?咁我地就話唔唱K上你屋企......係apm行左一陣,講好食和民,等左成半個鐘位,坐低叫野食,D份量就唔多,但係就幾好食同夠靚.......一路食就一路吹水,四個人就食左$210.....比埋Ricky個份,咁佢就冇左份禮物,呀恆就有架R33既模型.上到班長屋企,佢個房仲細過我間房.....四個人加兩隻狗就逼係個咁細既房度玩,個兩隻狗都唔知係咪既,係咁"奶"我隻手=.=",尤其係細個隻肥狗.......真係夠晒熱情,但係都唔夠呀糖咁活躍.諗住走,點知班長D親戚上左黎,搞到走唔到,好在佢地好快就走左,諗住班長D屋企人唔知我地上左黎,但係走個陣就醒起有鞋係度..........呀恆帶左我地去觀塘D機鋪,D空氣鬼咁好,簡直唔係機鋪.....返屋企,食左飯就上網,發現左原來可以係麵館賺錢,聽日仲唔搵錢做上市資本?

上網上網打機打機

呢兩日不斷係度上網打機,冇人煮飯,就要自已煮,但係都係開鑵頭,買燒味返黎食,係今晚先叫做炒左碟蛋食,但係就唔記得左落salt,冇乜味.......打機就冇乜進展,開新game,又買唔到人,一係就唔肯黎,跟住D杯賽又抽中對強隊,無奈........呢幾日都係講緊同呀恆同Ricky做生日,話出去唱K,但係D人就唔出聲,個post成比人click左幾廿次,但係就冇人回,又係度睇人去,冇人出聲就齊齊唔講,搞到聽日得返四個......莫非真係只不過係同學?同學!=朋友,生日都唔講句happy birthday,睇下William個生日post就知.......睇黎個forum係畢業之後可以收皮.........

佢就係呀糖,係咪好得意呢??