年初三

今日呀爸呀媽去三日旅行,冇人管喇!!訓到十點幾先起身,落街買份報紙,係屋企食埋D蘿白糕,咁就一個上晝,晏晝都係上網,打下機咁過,夜晚要自已煮飯,煎左D午餐肉,煮菜,咁就一餐,食完,又上網,呀恆同Ricky就黎生日,點好呢?

年初二

訓到成九點先起身,成家去左飲茶,食左唔係太多野,跟住就出去呀婆道,等左好耐車,終於去到呀婆屋企,坐下食下野,到點半就齊齊落去飲茶(又飲),見到個價錢牌,唔係呀化,小點都12蚊,中點要成16蚊......見到有set lunch,三個小菜,四籠點心,兩個飯,都係248,食飽飽,走lu,因為D姑姐,叔呀黎拜年,所以要早走,返到屋企,上左陣網,睇埋軍曹,佢地就到,無聊吹水,到六點半就去食飯(又係酒樓,一日三餐都係係酒樓食....)叫左個套餐,D野食就好似king size咁,好大份,食唔晒,D飯,伊麵,都要打包,好在唔係我地羅.返到屋企都九點幾,沖完涼,睇左陣電視就訓.

大年初一

今日係大年初一,又係新既一年,朝早起身,食左蘿白糕,睇下報紙咁,今日冇人黎拜年,好得閑,不過仲有D人黎舞獅羅利是,間所謂管理公司又話可以唔比呢D人入黎,但係佢地仲入到黎,打左個電話去管理處小佢,真係丫,收我成三舊幾水管理費,又乜都做唔到,叫做好過冇.夜晚食左飯,睇個乜乜花車巡遊,同前幾年一樣,幾悶下,之後播套膠戲,唔睇,開腦睇左"四眼雞丁"套戲其實都幾老套,但係勝在畫靚,睇得好開心^.^,睇完就訓llu...........

又兩日

尋日同呀偉,Raymond,Ricky行花市,晏晝兩點就係Sogo門口等,齊人就行去,唔算多人,行下行下,有軍曹吹氣公仔賣,諗住行完先買,不過.......見到好多搞笑野,但係全部都係得個hir字,行左兩條路,落雨.......冇癮,就走左去吉野家食tea,食完去左打機,間超級煙鋪,入左去一陣已經成身煙味.......打左次TD2,佢地用隱藏車,好X快........跟住就行左去times,行左一陣,就收到電話話冇飯食,呀Joe又打黎話我唔想返晒星期六同公眾假期就冇得係二月返工,睇下香港仔係月尾點,可能有得返...........又返左去行Sogo,見到有Keroro野賣,有平有貴,又見到叮當公仔,不過超貴.........行完就返屋企,上左陣網就落街買飯,仆佢間大家樂丫,成半個鐘都未有,小佢先發現佢自已搞錯野,咪小佢羅......返屋企食完,一路上網一路睇電視,十一點幾就zzZZZZZ......

今日係年廿九,聽日就過年,但係今日要返工,飲完茶就出去,換左個地鐵城,返到去,靜...........悶到死,最小人既時候D電腦得番兩個人用.........偷雞睇左本叮當^.^,放工,食左小小野就返屋企,切左個地鐵城,幾得意喎........上網,mini仲係死左.........

又好耐冇寫日記

星期一,考埋最後個科AP,又係一早返去溫書,發現好多野都唔熟,係咁問野,好喇,考試,咦?sorting有廿分?咁正既?呢條至少有十五分,距離40分又近左,呢份卷唔使補喇掛.......考完就返左屋企lu....
星期二,冇乜野,玩足一日.......
星期三,要返去做sem 4,wireless個online final test,又有新version,等等等,等人做完整爆機檔,咁做啦,做做下無啦啦cisco個網死左......但係仲計緊時間......shit!!成五點先走......
今日,又玩足一日,睇晒軍曹,又睇左鋼鍊,套野都唔好睇既,頭半個鐘悶到死,真係用鍊金術打得個十分鐘島.......聽日話去行花市,好多年都冇去行過,睇下有咩得意野先......

週記

因為考試,所以冇乜時間開腦,連日記都變成週記添.........
呢個禮拜,都係離唔開溫書,溫書,溫書,打CS,睇左小小軍曹.
考左兩科,都係唔好,有幾會肥......計落都唔會多過五十分........唉,都係等補考啦.....AP,都係唔多識.....唉..................

上馬會網≠賭博??

星期六,要返工,都係出街食早餐,去左間茶餐廳食,杯熱朱就好好飲,但係份通粉就唔多好食,食完就出去,未夠鐘,今日上左三聯睇書,唔係咁多小說.開工,一開工就見到有部opac機死mouse,將隻mouse插去其他機都係唔得,但係其他mouse插落個部機都係唔得........唔知發生乜事,要搵人黎整.跟住有條有走黎用腦,一上就上馬會網頁,咁我咪話比佢知"呢度d機唔可以睇有關賭博既野",佢大大聲咁同我講"我係其他圖書館都睇得",仲大我話要搵館長,你咪搵羅,佢又冇搵到,剩係同d同事講,d同事見佢聲大夾惡咪比佢睇羅.........條友仲話我周圍行喎,我唔行點睇到你做乜呀,唔係睇衰野就唔怕人睇丫,條友咪成個鐘都係睇賠率,挑.跟住有個同事話睇賠率算係資訊喎.......唔算賭,咁都得?上馬會喎,實係有關賭錢既啦,唔通搵馬會診所咩.算,你咪投訴我羅,唔怕你丫!!有個細路黎做功課,個呀媽就叫佢自已慢慢做,跟住就走左,個細路做左十分鐘都冇就掛住玩,玩左大半個鐘,跟住同我問左句好得既野"我呀媽去左邊?"下?自已呀媽黎喎,問我?=.=".........放工,食左成十蚊三寶,今次就幾好食,又追到架巴士,不過返到去就入左百佳幫呀媽羅野,好.....好重呀!!

諗住溫書,但係........

下個禮拜三就考試,應該要開始溫書喇,亦都諗住晏晝溫,但係朝早上完網,玩左一陣,食左晏,因為氣管炎,要食藥,食完藥一陣就覺得好眼訓,搞到去左ZZzzzzzz,咁就冇溫到書........訓完就打機,聯賽完結,排第三,比上年升左一位.想簽d唔使轉會費既人返黎,但係隊波個朵唔夠勁,d人唔肯黎........簽得個兩三個.........不過隊波因為有歐聯踢,多左成千萬鎊既電視轉播費,下年應該就多個錢買人lu,下年目標:聯賽亞軍!!

使左好多錢

今朝起身無耐,記起今日停電.自已係咁咳,要行樓梯落街睇醫生,食左個早餐先去睇,睇完,醫生話我氣管炎...>.<,咁就冇左兩舊水,跟住行左去睇野,見到有軍曹發聲頭,入去買左反白眼個隻Giroro,係就係幾靚,但係把聲就唔多好聽,$29蚊.跟住又見到轉眼Keroro扭蛋,又入錢.......仲諗住去睇下個間有Giroro扮唔知乜既公仔度,點知成十二點仲未開........咪返屋企,有返電,唔使行樓梯返上去,食完晏,要食藥,跟住又開腦,玩玩下,有d眼訓...........

真係玩足一日

今日開始唔使返學,考試就到,應該要溫書書喇,不過麻......好似我呢d咁既人就梗係玩下先啦!!成個上晝就上網睇野,BT左鋼鍊,考完先睇.食左飯之後就打機,不過又係比電腦屈死........咁就一日lu.....

有d危......

今日九點三就返到去,要test wireless,份卷就識d唔識d,都係睇Ricky,係CRC個題又做錯左,係17分裡面至少唔見五分.........d文字題又係吹落去既,都唔知有冇分,真係危,上次已經差兩分先pass,唉........test完,上左204 print野,print返份wireless case study份reprot,check e-mail,先知道份project med-term report要9:30am前交.........我地仲未寫好,呀姐就寫埋佢,print埋出黎交比呀Ken,我就做埋AP份lab 11,係咁抄,抄左半粒鐘,原本仲想做埋DT個tutorial,但係冇帶份野,又要抄成粒幾鐘,所以冇做到.Ricky係圖書館搵左上兩年d pass paper,咪print佢地出黎,用左好多紙.......終於print晒三科,共十份野,睇過下,好多都唔識做........成一點先出去食車仔飯,食完就上DT,派test卷,有七十幾分,拉返上次個test,班長又玩野,差呀姐一分姐,佢就搵Eddie,想羅多分.......落堂又去204,班year 1上堂,MY sir講pass paper,鬼死咁淺........跟住成個204都有人上堂,所以走左去314,玩flash game,夠鐘就落去上AP,食下芝士波,唔夠以前個隻好食,唔多夠味.落堂,去左OK食雪糕,夠凍!!正!!

冇乜溫書

今日呀爸仲係上面,所以同呀媽落左香港仔飲茶,原本想去新光,但係d人就係咁霸位,明明冇人坐,但係仲要霸住d位,死都話有人,又有條友仔見到我行到去,佢已經想走,但係一見到我就坐返低.......=.=,我行遠左就即走........咁見到d人都唔肯走,咪去第二間羅.........係第二間,好快就有位,叫左好多野食,好飽,行下香港仔,返屋企,返到屋企冇幾耐就聽到樓上係咁dup野,但係就好似dup地下咁,好撚煩,上面個幾個仔都係白痴既,係真係智障,佢地d父母就成日都唔係屋企,真係想屌佢地.晝食完野,叫做係咁意溫書,睇下咁羅.......好多野溫,唔知溫乜好,睇tutorial,上年個份test卷咁........溫完就打機,隊波真係好野,係非贏不可既情況下,作客三球炒起皇馬,出線歐聯十六強,皇馬就出局,哈哈哈哈,今次實搵到好多錢,下年就可以買多d人,挑戰聯賽錦標.

返工

星期六,要返工,食完野就出去,一返到去,做既野唔係電腦,係幫手排返好d書,d人真係,將d書周圍放,搞到有d人想搵書就搵唔到,有d人又搵都唔搵就問人,話搵唔到.........但係個個都係黎問我羅.......我都唔係好清楚放左係邊........咁咪又問第二個......電腦個道今日冇乜野,係班靚仔係度打機,仲要嘈生晒,咪叫佢地收聲,今日有人黎同d細路仔講故仔,但係得個一個去聽,有個LA同我講d細路唔肯去,我同佢講"十幾年前就多人去聽,依家d靚仔剩係掛住睇叮當,打機,仲聽咩",佢係咁笑,我自已講"依前自已做靚仔個陣又冇,d書又殘..........d細路臨收館既時候先黎做每日一篇,幾乎未做過就要走,都唔明依家d細路.........有同事買左d零食返黎,食左小小,放工就冇食野,見到架車,追.........追到,五點半就返到屋企lu,係屋企,都係上網,仲未溫wireless......

好夜先返屋企

今日返到去上DT,諗住會有test卷派,點知星期一先有,個兩個鐘Eddie真係直落咁講,連break都冇,仲要超時,叫做講晒d書,不過就.......晏晝成村人走去食扒,諗住据扒,點知有個快餐有扒,咪叫羅,點解我個份d扒咁細既?佢地個d就大大塊.........食完就行返去,呀姐一路行一路話急.........Ricky成班人就去抽可以轉眼既Keroro,抽左成六七個,Dororo抽左三隻,其他個d都抽到,係Tamama冇人抽到,Ricky一個就花左三十蚊........我麻......唔知幾時踩到唔知邊條仆街食完既香口膠......shit凸.返到去,上AP,繼續做wireless,冇乜聽書,原本好地地,Ricky整斷左條線,又要等......等到呀Ken黎睇,點知有個呀Sir就趕人走.........呀偉係e班度羅左上年wireless份test卷,即印,印鬼咁多份,好做緊老番工場咁,重要睇住呀Ken.......印完,Ricky去聽HKU個talk,我地就做wireless個report,都係呀恆同呀姐做,我就無聊..........Ricky聽完,返上黎,繼續做report,搞到成七點先走.........今日又凍,諗住食雪糕,不過就唔係冇錢就唔想食........咁唔食羅........返到屋企已經八點半....................

無.................

星期四,返晏,十點半先上堂,派test,僅僅合格,不過呀Raymond就........聽左呀Ken講上年份exam卷,發覺其實唔多難,不過就分得好散,咁多課書,點溫好呢?仲有DT同AP喎.......真係死得.放學,去左食車飯,食完就落機鋪,睇呀恆打機,兩點就走,返屋企,返到黎,都係上網咁,打機,我隊費倫天拿今年季初真係掂呀,六連勝,連AC米蘭都唔係我對手,歐聯打和皇馬,真係好野.夜晚食飯,睇電視,ZZzzzzzzz.......

終於搞掂

今日都係晨咁早,仲要test PQM,條lawerence尋日先比tutorial answer我地,真係丫.......冇溫過,唔理佢lu.....呀恆就印左個tutorial answer出黎,仲要縮細佢,方便出cat.好喇test,係咁抄,出cat,佢都冇乜巡,明比你出,問題係你識唔識出,係咁搵notes,抄答案,做完,唔使上tutor,Ricky同墨丸去葵與打機,其餘個d就留低,搞wireless個case study,但係都係唔多有進展.......食晏,個肉絲炒麵油到死,簡直係油浸.......食完就返去hold定d router,同呀恆玩逃離房間,諗到仆.......最後都玩到,上NT2A,Ricky返到黎,整好d野,做到,叫Ken黎睇,掂!!做埋份report就走,同呀恆and Ricky行太源街睇軍曹d野,見到大大隻公仔,好得意呀!!又見到上次買去party個d模型,平好多.....平9蚊,不過就殘d,睇完就返屋企.

都係做唔到

2006年第一個返學日,晨早返去交AP assignment,返去印出黎,點知就鬼咁多人,去e房度印,好在,呢個房冇乜人,拿拿臨print,Ricky又印,點知就jam紙......jam到連紙都羅唔返.....搞到小左部printer,條mondee真係夠鐘就封箱.........有人交唔切,mondee收左,但係話唔計分.......唔知佢係咪講笑.......交完就做NT,但係就都係做唔到.......連班長都做到.......問佢羅左d config,但係都係唔得.......灰.......

叫做做完個assignment

放假最後一日,重要做埋個死人AP assignment,真係.......朝早起身,上左陣網,睇下軍曹就過左個上晝,晏晝都係打下機咁........成三點先食晏,食完就改個AP,不過就有d地方睇唔明,但係都要夾硬改,費時同人地個份差唔多,有機會比mondee入,改到唔知係乜,有d冇d咁,又加返d野上去,改完,可以話run唔到既(自已都未試過),就算run到都唔知會出d咩result出黎.........