D人真係乜都可以賴低

今日係大除夕,但係仲要返工........食左野就出去,又係十一點半就到,梗係入書局睇野啦!!入到去,見到好多麥嘜既野,有好多公仔喔,見到隻叫呀輝既龜仔,一舊水都唔使,好想買呀........但係都要忍手冇買,返工,交左張time sheet先,諗住今日應該會冇乜人,點知就鬼咁多人.........又有人賴低野,不過今次仲甘,連銀包都賴低.........有人賴低左本死亡筆記既漫畫,不過之後有人羅返,仲諗住有得睇下添.......d opac機又玩野,同時hang晒.......有好多人搵我,話搵唔到書喎.......又見到"方太"既書係D小朋友書道,真係方太與小朋友同在(啊門),鬼咁多書要上架,係咁意幫下手,都係上小說,易搵d......放工,返屋企lu.....呀祥比左份AP assignment,睇下點做先.......睇....唔....明....????

都係冇乜進展

今日要繼續做program,朝早上左陣網就打機,球季完結,係最後個場岩岩好小勝國際米闌,上到第四,進軍歐聯,簽左成堆人返黎,但係就走左幾個重要球員........食完晏,又諗份program,都係咁......唔知點好......呀恆又係唔識,齊齊等死........最後都係冇乜點做過,睇左軍曹,笑下,可以忘記份program.........

諗住做,冇做到

繼續放假,食完早餐,睇完報紙就開機,上下網,繼續copy埋wireless個online test,總算copy完,就有個100%.......唔緊要啦........食完晏,諗住做program,點知一睇份問題,先發現唔多識做,試左幾個method,都係唔多得.......仆啦今次,得返幾日.........諗諗下,冇晒心機,唔做,繼續打機,又比電腦屈.......對強隊人地個龍實上身,對弱隊,人地大炒,我就失分,搞到跌到落第五..........球季就完,要全力打入頭四,踢歐聯呀.........

都做唔到......

今日返左去,諗住做左個NT同wireless既case study,十點就返到去,個204幾乎一個人都冇,剩係見到呀Rick,好喇,開始做,墨丸就返到,呀姐一陣之後到,齊人,呀姐同墨丸就做wireless,我同Ricky做NT,開頭都好好既,不過好快就有問題,搞下搞下都係出唔到BGP個B,點知原來係正常.......呀姐佢地又係識D唔識D,做下做下,越黎越多人返黎,唔係做NT就做program,問左呀Rick,咁都好小小,去到成兩點幾先食晏,諗住有車仔飯,但係就買晒,食左個腸粉同碗仔翅,食完就返去繼續做,都係冇乜進展,個頭又有小小痛,五點,比人趕,咁就返屋企,仲未做program呀,點算呀........
PS:今日Ricky送左隻Winne the Pooh杯比我,幾高身架,fan蕉 ^.^

copy到冇癮

呀媽今日要開工,八點幾就得返我一個係屋企,起左身,落街買左報紙,睇左佢,食埋早餐,就好似Keroro咁,洗野,清潔,做完就開腦,上網,跟住就做NT sem4同wireless既online test,又係copy,係咁copy,copy足一個鐘,真係copy到"支力",唔copy住,睇Keroro,笑死,食完晏晝,又睇軍曹,笑到仆.......睇完就打機,想簽D人返黎,點知比人搶左,又要諗過買邊個返黎.........又係D重要比賽輸波,搞到同第一既祖記有廿分距離,但係我隊波排緊第三.........點追呀........

今日仲衰,得返兩個人

Boxing day,冇禮物拆.........朝早都係同呀媽去飲茶,今日呀媽要去睇呀婆呀公,所以冇行街就返屋企,返到屋企,呀媽一陣就走左,呀哥又上左去......得返自已一個,做左D家務,跟住又打機,今日比電腦屈機,電腦隊兩個人打我十一個,佢一個龍上身,一個前鋒入波,咁我就輸左,仲要唔只一場...........夜晚,原本呀爸話落返黎,點知冇落黎,搞到得返兩個食夜晚個餐..........

聖誕節

今日係聖誕節,但係呀爸就要返大陸睇住班仆街,得返我同呀媽,去左香港仔飲茶,今次唔同上次,識得點叫野食D野先唔貴,食飽飽,平上次好多,跟住陪呀媽去買衫,跟住去百佳買野,買完就返屋企,係咁玩,又睇左小小達文西密碼,睇左幾頁,好好睇......食左野,又打機,夜晚,得返三個人食......

平安夜,一D都唔平安

今日係平安夜,但係仲要返工,差唔多到十一點,諗住去M記食早餐,點知已經賣晒.......走去大家樂,份食開既早餐又冇晒,要食第二個,都唔好食既........食完,岩岩有車,好早就出到去,又入左書局睇書,今次睇中左一本講自已做間諜既書,圖書館仲未有,岩岩先出版.......返到圖書館,羅左本達文西密碼,跟住就開工,一開工,就見到有人漏底左個粉紅色既毛毛耳罩,跟住仲有人漏底份功課...........今日好小人,D電腦有空位,係到四點先開始多人,有人請食蛋糕喔,五點,收工,食雞蛋仔,返屋企.

開party

今日約左成班人去William屋企開party,十點半出到去灣仔,同左Ricky係機鋪打左鋪Mario賽車,好得意呀!!成日攻擊Ricky,嘿嘿嘿,打完就搭車去九龍塘,等埋呀姐,呀恆,呀祥......跟住就齊齊搭九鐵去大埔墟,跟住轉接駁巴士去大埔超級城,羅埋D野食,唔係好重,好似唔夠食喎..........跟住William返佢屋企,佢屋企都幾細喎........小波已經係度打緊機........放底D野就開始玩,同左呀姐,Ricky同墨丸玩"酒店大亨",初頭墨丸好有錢,但係比我搶到最貴個幅地,起晒野,同放左五個入口之後,形勢就變lu,墨丸比左兩次最甘既租,嘿嘿嘿,你仲唔死?玩玩下就開餐,D飯同意粉好快就比人掃晒,但係隻火雞就真係好多,連D推填區都食飽........食完就繼續玩,Ricky一陣就破產,輸左.玩完之後就玩下層層疊,專係搞野,將佢變成危樓,好快就五點幾,抽獎喇!!我個份比Ricky抽左.......我就抽左盒朱古力.......走喇,搭火車去到紅磡,再轉車返屋企,返到屋企就食飯,跟住又玩.......

放假喇...........

今日早小小返學,補返堂AP lab,返到去,上204,冇人.......等到九點半,仲未見Edmond,有D怪.......跟住有人話原來係B358道上..........好喇上堂,又係hir咁過,抄埋份NT2A既tutor,上呀Ken堂,佢講wireless,冇帶notes,又hir........呀Ken話份tutor放完假先交,下.......抄得咁辛苦.......不過落堂個陣交左比佢.放假喇!!去左M記食lunch,跟住就去銅鑼灣買禮物,同埋呀姐去,首先上Sogo,好多人......睇唔到D乜野........D野又貴到仆........走,去times square,呀姐買左個銀包比佢男友,諗住送番D野比佢啦,原來呀姐係用緊張附屬卡..........上到九樓,入左一間精品店,見到個河童公仔,諗住乜都買唔到就買呢個,送比Jacky......呀姐走喇,我就去左三越睇,原本就睇唔岩,諗住走既,不過呢個時候就係收銀處道見到想買既野,個天都叫我係呢道買,買左,聽日送禮用,係乜?聽日咪知羅!!返到屋企,打機,上網lu......D功課麻.......唔理住lu.......................

香港人真係好無情......

今日係香港站見到個婆婆,都成七十幾八十歲,入到地鐵冇位,要企,但係D坐係度個D後生仔就當乜都睇唔到,冇人讓個位比佢,自已又係冇位,讓唔到...............
放學,上96,行行下見到個失明人士行得好慢,佢要上96,佢又睇唔到,但係好多人上車,冇人理佢,我就做下好人,抶佢上車咁羅..........
D人要人幫但係就冇人幫,幫下手only,冇壞架麻........

好羅好羅......冇事羅........

今日又要晨咁早返學,上個PQM,都冇乜點聽佢講野,溫DT緊要呀!!不過堂tutorial就玩咁過,食完晏,上NT2A既tutorial,諗住做下抄下就算,但係都係抄居多......個心就掛住DT.......仲有兩個鐘,上左library溫,羅左上年份test卷睇,幾乎背晒入腦,因為上次個test都係用返上年個份........結果到te4st,真係上年個份,呢個Eddie真係懶到死,不過就益左我地.......幾乎抄咁滯,份test就做完左,應該就合格,仲可能有Credit.......成6點半先走得,返到屋企已經八點........不過就鬆晒!!等放假!!

緊張......

今日要做final year project個presentation,晨咁早就返去準備,原本都好好地,不過到pre個陣無啦啦好緊張,唔知點開頭,要Ricky幫手.......講個陣又講得唔好........灰........呀恆佢地就"食住薯片等睇戲",真係百佳,pre完,搞左一陣野就走,去維苑食晏,食完就走喇!!返屋企溫DT喇!!今次唔pass就仆街喇!!返到去,諗住一邊download軍曹一邊溫書,不過BT就有成3.3MB既downlad rate,半個鐘都唔使就down完2GB幾野..........做左份攻畋出黎,唔知聽日點......唉...........

冇乜野

朝早,上wireless,都係聽下hir下咁過,上完,抄左DT個tutorial,上204搵呀Ken,pre demo份final year projrct,其實都冇乜野demo,都係羅到張卡既data同改小小野,聽日都唔知點講........食完晏,上DT tutorial,又打機過,個兩個鐘break就傾左聽日點pre同分工,D野都係Ricky做既,要拿拿臨睇D program code.......上AP,原本有聽書,不過都不敵佢D催眠曲.........佢又鬼咁high,講到五點九........搞到我成七點半先返到屋企.......仲要改下個powerpoint同睇code........

打邊邊喔

朝早去左香港仔飲茶,費時出去喇,未死過咩........飲完,去左百佳買左好多打邊邊既野,丸丸啦,牛牛啦,魚魚啦,菜菜啦.........跟住就返屋企,呀爸係度整緊個廁所,搞到我冇得去,急死喇........上下網,睇下軍曹,又係M記食野,打FM,隊韋根輸開有條路,係咁輸,搞到由第二跌到尾三,好在係聖誕期間贏番幾場,依家排緊十二,又簽在個人,想簽李華度,盧比斯,不過個個都唔願黎......夜晚,打邊邊,好好食喔!!食飽飽,再改左份powerpoint,又同William傾左party既野,今次實食死佢地班堆填區,成三盆野加一隻火雞.........夠喇掛.........

冇乜人

今日返工,為左世貿,十點多就出,係Ricky屋企附近間大快活食早餐,都幾貴,成22蚊,杯熱朱真係好好飲,D煎蛋都得,係個魚聊就好似紙咁"厚",開工,真係小左好多人,但係有人黎搵意大利文既書喎.....乜呢度D人咁有文化既?放工,見到成班警察,去左買雞蛋仔食,又行到去就有車,返到屋企睇電視先知自已真係好好彩,再晏小小走就.......比班韓國佬.......今日班韓國佬真係黎真既,同警察開片,搞到成個灣仔,銅鑼灣封左,連紅隧都封埋,真係千年奇景,不過佢地真係........Ricky就........

提早收聖誕禮物

今日又晨咁早,又係PQM,連續三日八點半都係為左佢......shit.....佢個leature冇乜人上,連呀恆佢地都成九點九先返到,我地咪溫下DT羅,係頭條日報道睇到puzzahut有到會,有火雞,不過就幾貴,平均每人要比成35蚊,唔知佢地肯唔肯比咁多呢?上DT,Eddie話下星期三test,唉.....都唔知點死比佢,今次再fail就聽死........呀姐帶左飯,所以係canteen道食,食完就上堂,William羅左學生會D"預防流感包"每人有一盒口罩,一支潔手液同利賓納,堂AP聽下玩下咁過,放學,返屋企,冇乜點塞車,好在

又係PQM

今日要做PQM個presentation,又係晨咁早出街......返到去print埋份report,等其他組present,到十點三先到我地,我pre先,Lawerence想叉撚住我?冇咁易,用英文呀,咪即轉羅,話我剩係講title?係呀,冇時間丫麻,吹咩,dull得返呀,咬我丫........結果Ricky咪冇時間pre羅,要佢下星期三再pre過........真係好野......上NT2A,又冇乜點聽書,冇晒心機咁,都係個Lawerence搞出黎既(賴得就賴).放學,去左食KFC(呀姐聽日話我地唔叫埋佢去食喎....)D野貴左,D雞又好似細舊左,又唔多夠味.......返到屋企,又睇軍曹,但係開始冇咁好笑.......呀恆話後D就好笑番喎......

丁呀~~~~~

星期三,返八點半,又係個當撚樣PQM,又話要講快D,但係咪又係吹水.........吹下吹下就夠鐘,要上去上tutorial,派卷,果然有丁,不過可以再好D既,係自已唔睇野,咁就冇左幾分.....如果唔係有5字頭,成份卷有60分架......食完晏,上NT2A lab,Ken話有好多野做,真係喎,要做兩個lab, D lab又鬼死咁煩,兩個鐘先做到一個,好在Eddie話DT做6個lab就得,已經交晒,咁繼續做埋個lab,呢個就好易做,好快做完,等埋呀恆佢地,但係都係玩多............成五點幾先走,都係係銅鑼灣先搭巴士........不過有報道話中環同灣仔車都唔多架羅.........

玩足一日

今日係個世貿會議開始既日子,學校今日搞左個咩咩教師發展日,所以唔使返,起左身,食埋早餐,根住就開腦,睇下個mon得唔得,上左一輪網,睇軍曹,又睇左六集,爭D笑死.......食左晏,做左AP個lab,做左成個幾鐘........做完就打FM,但係就冇乜點睇過份PQM.......後日就係喇.........唔,個mon到依家仲未出事喎......

唔..........應該冇事掛

今日test NT2A,又諗住可能會塞車,所以七點多就出門口,但係冇塞車,七點八左右就出到去,等到七點十一,Ricky先到,返到去,test,有D唔識,係Ricky度睇左D MC,打後個D問題就得既.上wrieless既tutorial,都係抄既,又係度玩,上完DT tutorial就出去食tea,食左個河粉,十蚊,都幾抵架.返到去就搞左PQM份presentation.AP堂,講sorting,幾易,問題係D code.......放學,係銅鑼灣先落地鐵,都係驚塞車.返到屋企,見到個mon已經送左返黎,又話聽日先送返黎既?間野真係........

溫書...

今日冇出去灣仔,去左香港仔飲茶,費事灣仔封路塞車麻.食飽飽,行左一陣,係百佳同惠康買左D野,跟住就返屋企,返到屋企梗係溫書啦,冇乜點睇過呀........睇左notes,整左份攻略,不過剩係頭個5個chapter,D switch就睇tutorial多.希望聽日得啦.叫做溫完,又打機,食埋夜晚就睇軍曹,又睇左四集,笑死.........

撞到好多仆街

今日都唔知咩事,成日都遇到D X人,諗住買老麥隻woodstock,所以未到十一點就出街返工,去到巴士站就feel到架車岩岩走左......等左一陣車就有車,應該好快出到去,點知係東平樓對出條路道有架貨van同電單車炒左,不過其實只不過係撞到小小,小小咁詐,但係兩個司機就唔郁車,咁就塞死左,五分鐘後咪又係郁左.......就黎出隧道又塞車,又塞左十分鐘,個司機又係on9既係咁讓車,不過係應該人地讓架羅........又冇左十分鐘,成十一點八先係集成落車,得番十分鐘食野,好趕咁食,跟住行快兩步啦,又撞到有人遊行,好在係封路之前就返到圖書館,岩岩好十二點,好在早出門口,如果唔係一定遲到,今日都係一如以往咁無聊........放工,唔餓,冇食野就返屋企lu......
今日已經塞到仆街,下個禮拜個世貿會議開始,又有大把人遊行,都唔知點算,要幾耐先出到去呀?個政府都唔知搞乜撚野,接埋D咁既野黎做,又side錢又煩,又搞到半個香港島仆晒街,仲要除時出事喎,唉......呢個政府真係無事搵事黎玩.....

有個好消息

十點半返到去上DT,Eddie話原本下星期五既test要delay,改到再下一個星期,真係好羅,唔使咁辛苦羅.......原本好有心機聽書,不過Ricky玩PSP,搞到我又心思思,結果又玩埋一份,可以贏架,不過比電腦車夾死左........晏晝話去飲茶,不過班長話飽唔食,呀偉佢地係canteen食,得番四丁友,咪去食車仔飯羅,點知多人多到乜,結果又去左飲茶,叫左兩碟野,每人都係十五蚊,返到去print左份AP出黎,上AP又係玩咁過.........放學呀姐話去買冷線,佢地去打機,咪陪呀姐羅,都係買唔到,落到機鋪同佢地say bye就走lu........返到屋企,都係冇溫書........

都幾無聊

單數week既星期四,返十點半放十二點半,返到去,上NT2A,都係咁啦,叫做聽過下書咁羅,話咁快就放學,Ricky同班長去左食晏,我同呀恆就去葵芳,落機鋪,又見到個夾車呀叔,呀恆又同佢夾下,夾輸左,跟住呀恆個爆粗機友落左黎,今次兩個夾一個,個呀叔即刻輸到仆直.......Ricky黎左,同埋呀恆玩左鋪Outrun,個死人仆街break壞既,搞到係咁炒車,唔怪得冇晒人玩啦,不過早兩日見到個個人今日又見到佢玩,同上次一樣,用6蚊玩五條路,side錢.食左維苑,返屋企,都係打下機,仲未溫書呀......

唔.....實有"丁"掛

今日test PQM,返到去,Lawerence話九點三先test,講陣書先.....真係好野,就黎test,有人聽你講書咩,好喇,test,下?唔夠卷?佢話印左60份,但係唔夠派羅.......要拿拿臨叫人去印.份卷一D都唔難,佢今次又冇點我地喎,做下抄下,咁就做晒,幾乎個個D answer都一樣,今次有丁喇!!上tutorial,又係無聊,十一點半就要食晏,canteen D野食好似唔係人食既,難食到仆街,D餐具又dirty......食完就去做番Cisco 個sem 3 online test.原本呀Ken話要70%,但係比我地講到65%.做,都係抄,首先班長無啦啦有error,跟住呀偉個份搵唔到answer,成村人去幫手,自已就得69.9%,好左65%就得,如果要70%就.........呀偉都順利做到,班長就........上NT2A lab,幾易做,三點未到就做完.又睇軍曹,真係睇到上腦........班長無啦啦唔舒服,冇去打機,返屋企lu......

都係玩

星期二.唔返學,係屋企玩,睇軍曹,食完晏落左陣街,返到黎就溫PQM,D tutorial唔係難,問題係D字就幾多,同埋好煩,睇下睇下,睇到玩FM 2006,諗住開隊新波,但係又冇錢,D人又差,D人又唔肯黎,冇引.都係玩返曼聯,買唔到捷禾,又買唔到昆雷斯馬......夜晚,睇"阿旺"大結局,無聊到死,都唔知D編劇有冇腦既,老土到死.

算把啦..............

上wireless,派返份測驗卷,得38分........爭兩分,shit.三個鐘,Ricky話去葵興,但係我地就話去葵芳,去到巴士站,有架葵芳車,咁就去左葵芳,呀恆都唔知係咩構造既,打灣岸已經打到出神入化,但係佢冇打Outrun有大半年,但係佢仲可以係部機虧虧地既情況下破record羅........晏晝食維苑,D野食都幾好,但係D野飲就好似水咁........返去上DT,又係玩下,上下網咁過,無聊左兩個鐘,上AP,又派test,個分同wireless一樣.......算

煲軍曹

今日唔使返工,呀爸又去左做義工,所以就同左呀媽落香港仔飲茶,食完之後呀媽話唔係咁舒服喎,去左睇中醫,行下街咁,返到屋企,上下網,跟住就睇軍曹,睇左兩個幾鐘,睇完就打AOE3,出下cheat,好玩喔!!食完晚飯之後又睇軍曹,真係比佢笑撚死.........又睇左兩個鐘,一日就煲左十集........

返工喔

今個月改左返星期六,起身睇完報紙就出街,去左大家樂食早餐,跟住就出去,又入左書局睇野,見到本講叮當精品既書,可以當生日禮物比Ricky,不過就要成$107.....開工,星期六小好多人,更加悶,係有D人唔識用opac機,係咁意講解下,之後都係坐多,收工,Ricky話係街,但係同屋企人一齊,叫佢去打機,但係買左包雞蛋仔之後行到去車站就有車,梗係上車走人啦,嘿嘿嘿.返到屋企,呀媽話佢同呀公呀婆食飯,又得返自已一個,唔知食乜好...........

嘩!!朝九晚六呀

今日真仆街,要返早一個鐘上返PQM堂tutorial,我地準時返到去,但係Lawerence成十點都未到,班長打比佢,佢話唔記得左......好野,又係你話要上,自已又唔記得.....跟住部投影機又唔知乜事,搞到十點四先開始,得番兩個字上堂.............上DT,都係唔知係乜,剩係識抄notes,不過就........晏晝走去食名古屋,五個人食三份餐,D野小左,好似唔飽咁.上AP lab,係度煲軍曹,冇聽過書,死得.原本上完AP就放學,但係要補返DT......一入到房......凍.......再望下個溫度計,得十七度........唔係呀化.......想凍死人咩......成六點半先走得,返到屋企已經八點多............

都係Ken Sir好人

今日呀恆佢地要present份PQM,不過佢地就冇乜點溝通,班長唔知頭唔知路咁,講到一舊舊,Lawerence就把握機會係咁插佢,present完,班長又同佢嘈,Lawerence就講到佢好無奈但係好岩咁.上NT2A,Ken話個test同PQM撞左,可以改期,結果就改到再下個星期一,放學,落左機舖,食維苑.跟住返屋企,打AOE3,好好玩喔.