星期三, 11月 30, 2005

好"支力"呀

今日又係晨咁早就要返學,起身個陣天都未光呀........上個仆街既PQM,佢又話要講快D,但係咪又係度吹水........食完晏,上NT2A lab,做switch既vlan trunk,以前dip個陣做過,就覺得好易,但係份lab就out date得好緊要......03年既......做DT lab,又係得Ricky做,自已就係度hir,呢個lab都叫做易做,所以落堂前就做好,Eddie話做6個lab就得,唔使做最難個個,真好.走lu,賴低呀恆佢地,同Ricky, JoJo走.返到屋企,好"支力".......

星期二, 11月 29, 2005

shit......

今日為左個sem 3 final test返學,Ricky佢要去民政處宣誓,返到去,係咁意上左陣網就開始print野,print PQM,NT2A既tutorial answer.print足五份,print緊個陣又加埋Jacky同魚蛋,足足print左70份野.........做online exam,D answer原來唔得既,成班人仆晒街,剩係得Ricky過到七成,岩岩好70.9%.......不過自已就........等補啦........放學就去左洛克道library交time sheet,跟住就返屋企,做PQM,好很煩........又係PQM呀!!!shit!!!!!!

星期一, 11月 28, 2005

仆街PQM

今個week係單數week,要食brunch,上完wireless,食野,講落先知道PQM個present改左日子,我地個group就早左成個week,呀恆佢地仲仆街,今個week就係,仲要同呀John一齊做........上wireless lab,個bluetooth,點都做唔到,都唔知點解?.?食tea,食左個杯麵,根住去左呀Rick道搞bluetooth,都係做唔到........上AP,又係zzZZZZ

星期日, 11月 27, 2005

返工喔

星期日,人家放假既日子,但係我就要返工.......唉........飲完茶,去左間叫"城邦書局",見到幾多書自已都有興趣,不過係咁意睇下就算.上到去,都係咁悶,D人冇乜搞事,不過有D人真係好仆街,將D成人館既書成幢放左係兒童館道,咁鬼有文化睇文學書,不過就一D內涵都冇.........放工,又食老M,食完Ricky已經出到黎,佢走黎同我等左一陣車,有車就走lu......

星期六, 11月 26, 2005

都係打機

今日呀爸唔舒服,所以冇返到工,不過佢就幾好野,訓足一日咁滯.......
食完早餐就開機上網,睇下科林咁羅,根住玩FM2006,岩岩完左一季,放假中,不過都係搵緊新人,睇下有冇D人又後生又平,但係真係好難搵,上頭比得個千零萬,又唔多wage budget,放左幾個唔要既人.夜晚,食完飯就睇左"蜘蛛俠"

星期五, 11月 25, 2005

又係玩下咁過

今日早左半個鐘出門口,諗住玩班長既三國大戰,但係塞車塞到仆街,九點三先到,D機已經比人坐晒,仲要成袋錢咁.......同Ricky玩左次灣岸,炒到仆........返到去美景,入惠康買左杯麵,返到去呀恆話佢又買左,搞到班長係度嘈,話我地夾埋喎.........上AP lab,又係度玩,呀姐成三點先返......班人又睇軍曹,不過就大聲左小小,呀Sir梗係唔鐘意啦.......放學冇去打機就返左屋企lu.....

星期四, 11月 24, 2005

三冠夢碎

今日又剩係返兩個鐘堂,真係搭車既時間仲耐過上堂.放左學就返屋企,繼續玩FM2006,隊波首先入到足總杯決賽,聯賽作客贏車路士捧杯,歐聯主場對皇馬,半場落後0:3.......好在下半場追番兩球,雖然輸左2:3,但兩回合合計贏6:5入決賽,對巴賽隆拿.足總杯波賽險勝對手2:1,歐聯決賽,原本先入一球,但係後防表現唔好,前面又浪費機會,搞到比人入番兩球,輸左.......>.<........三冠咁就冇左.......

星期三, 11月 23, 2005

唔使返學

今日係IVE既畢業禮,呀哥都應該去,不過佢係上面,所以冇去到.呀媽今日又唔使返工.晏晝同呀媽食左好多野,又開鑵頭湯,茄汁豆,尋日煮定個D送,飯,好飽........食完同呀媽出左去times買恤衫& tie.係G2000買左,不過tie仲貴過件衫.........返香港仔,發現G2000係香港仔開左間........呀媽又買左D衫比自已,買完就返屋企.玩FM2006,到季尾,足總杯叉左半隻腳入決賽,歐聯作客皇馬都贏4:2,等入決賽,聯賽又就黎贏,真係有機會做"三冠王"

星期二, 11月 22, 2005

無啦啦要返學

今日,原本唔使返,但係個咩咩工程師學會走黎睇野,加埋Ricky要見班工程師,所以就返左去.係204道上左陣網,跟住諗住就bi-weekly report,好耐都未做過,點知Ricky個老豆(MC)走黎話唔識print野喎=.=",用左我用個部腦,咪走入去204e搵呀恆羅......吹左陣水,MC就走,出返去做rreport,係咁意啦......跟住就改左呀姐份report,發現佢寫左好多"港式英語",改完就算,等Ricky睇多次,Ricky由於見工程師,所以有餐free lunch食,呀姐又去練習射箭,等到點半先食lunch,呀恆佢地返番去睇下份project.Ricky又話要做AP.同呀姐走,去左times買褲,行左三間,終於買左條,$208,都唔算貴......

星期一, 11月 21, 2005

軍曹

今日早左小小起身,因為有wrieless既test,八點半出到灣仔,不過Ricky都係八點九先到,諗住冇校車,所以去左青衣坐249M,搞到九點八先返到,已經開始左個ttest,拿拿臨坐低開始做,發現好多都唔識........呀Ken又唔多出D送分題,話咁快就夠鐘,不過仲未做晒........仲有幾條long question未答.......今次又仆多次........原本有三個鐘lunch,但係要上返AP lab既補課,係204e上,呀偉係度打機,l兩個呀恆,同成班人都做Cisco online test,我有呀祥既答案,所以做好晒,仲搶Ricky生意,將sem 4 D answer放上forum道賣,嘿嘿嘿,食完lunch就上DT,不過D腦就上唔到網,因為個switch有問題,搞到做唔到個tutorial.....上完之後去左316睇軍曹,呢套卡通片真係好搞笑,成班人睇到爆笑.......上AP,講tree,其實唔難,但係Monde就講到好複雜咁.......放學,走lu.......見到墨丸同佢女友,比呀Ricky玩殘..........

星期日, 11月 20, 2005

返工

Sunday,一如以往,同呀爸呀媽出灣仔飲茶,飲完行左一輪,走左入間書局,見到本"達文西密碼",上到圖書館,未夠鐘,book左"達文西密碼",跟住就開工,都係~~~~~悶~~~~~~,今日就有三母子黎睇書,兩個仔就為左本書係度推撞,個呀媽剩係識話個大既,個細仔就冇話過,又係D剩係識縱個"拉"仔個D呀媽.........返左三日工,都認到幾個,佢地都睇黎成日上黎.有個人就連mouse都未識用.......=.="放工,去左食四寶,都唔好食既.......Ricky又話去打機,不過就上左車.....逃.....未溫晒書呀,仲打機?

星期六, 11月 19, 2005

一邊溫書一邊打機

星期六,訓晏D先起身,食完早餐,睇完報紙就開機玩,又上一大輪網,係D大陸論壇見到好多鹹片.......=.=留番比Ricky BT........食埋lunch,抖左一陣就玩FM 2006,開埋wireless D notes,係等既時候睇,一口氣買左三個巴西小朋友,季尾就過黎,繼續買小朋友番黎慢慢train,隊曼聯終於輸左第一場波,輸左比尾二個隊新特蘭......shit......好在仲有九分距離.夜晚食完飯就睇台慶,悶到仆街,冇野睇既............

星期五, 11月 18, 2005

班長,生日快樂!!

今日係班長廿歲生日,不過早個兩日同佢嘈完,呢日都唔知佢黎唔黎,呀恆一早就見到佢,咁即係會到啦!!先同Ricky落左game zone買卡套送比班長,十五蚊,不過就係for WCCF,但係就放到三國卡,係香港站見到呀姐,佢整左個蛋糕,返到去,見到呀偉,呀恆一陣之後就返到,跟住就見到班長笑笑口咁走過黎,即係冇事啦,由於時間關係,冇同佢唱生日歌,切左個蛋糕黎食,意?都幾好食喎~~呀姐D手勢都唔差丫~~食完就上DT,個Eddie Ng話冇房補課,不如星期六丫......成班人即刻靜晒,冇人答佢,梗係啦,邊個想星期六返學呀.......佢之後講書又係咁趕,講得鬼死咁快,聽到識D唔識D........晏晝好豪咁食左廿二蚊,都幾好食,係就係小左D.上AP lab,又係玩下hir下咁過,呀姐話要聽書,不過就比套"軍曹"卡通片搞掂左,嘿嘿.放學,放左墨丸飛機,冇去基地,直接返左屋企.
其實自已都覺得班長今日實黎,話晒都係佢生日,之前又講明會同佢慶祝,而我地同佢嘈完都同佢搞,比晒落台階佢,如果佢都唔黎,即係反面,大家都唔想,而且佢地重要一齊做project,所以,都係當冇事發生過........

星期四, 11月 17, 2005

冷戰第二日

今日都係返8:30am,呀恆好早就搵我地,好明顯班長仲未嬲完,果然,返到去佢就自已坐,我地梗係唔理佢啦,我地都冇做錯,唔會—求佢,上NT2A,佢同米高佢地坐,扮晒friend咁,放學佢梗係不知所終,連墨丸都話佢唔岩,原本去食車仔飯,點知冇位坐,結果Ricky就自已食,我同呀恆同墨丸出去葵芳食,落左基地先,玩灣岸,D人又要夾車,個係又唔識,又要用兩個人夾,點知都係夾死自已,屎到死,跟住去左維苑食,食左個13蚊既煎雞麵,有埋野飲,都幾抵食,跟住就返屋企,拿拿臨BT Need For Speed: Most Wanted Black Edition,成4GB野,但係兩個鐘唔使就BT完,有成8xxk download speed,冇耐就食飯lu.......

星期三, 11月 16, 2005

班長.................

今日又係8:30am,上PQM,上PQM tutorial個時,呀Sir話個test會出tut,但係就close book,係呢個時候,班長就話點解唔係open book,話上幾年都係open book test,呀恆,呀偉,Ricky同我就同佢講如果open book test就有可能出D notes冇既野,呀恆叫佢可以同呀Sir講,不過佢就話你地廿八個人都要close book test,佢講有乜意義?咁呀偉就話左佢幾句,跟住佢就發老脾,連lunch都唔食,NT2A同DT lab又唔埋我地,放學4又自已走,大佬呀,唔係要個個都就你,就算係friend都有唔同意見架麻,講完咪算羅,唔使發晒脾氣咁呀,小器成咁,第日點出去同人做野呀?

星期二, 11月 15, 2005

AP test

原本今日唔使返學,但係有AP test,所以晏晝就返去,同呀恆佢地係維苑道食lunch,食完落左基地,呀恆玩BG4,真係幾靚,搵日問佢借條匙玩下先.返到去204,溫書喇!!不過就係點讀都唔識........好快就到4:30pm,開始test,一派,下?乜黎架?點解好以唔多同D lab既?又睇唔到Ricky,抄左魚蛋好多......真係唔該晒佢........唉.......好灰.......

星期一, 11月 14, 2005

唉......

今日又要食brunch,上完wireless就走去食,鬼咁多人排隊,好在唔係等好耐,食完就上wireless既lab,做tutorial,問題係唔識,都唔知下個禮拜個test點算.........上DT,冇新tut做,又係打下機咁過,跟住又等上AP,搵埋補DT堂既房,都好在搵到,不過就係D課室.上AP,冇訓到,都叫做知道佢講乜,放學,返屋企lu.

星期日, 11月 13, 2005

返工

今日得我同呀媽飲茶,所以落左香港仔飲,去左新開個間酒樓,係就係好靚,D野食又唔錯,不過D價錢就真係幾貴下,兩個人飲左成八十幾蚊茶,飲完行左陣就坐37A出去,去到香港仔隧道,下?塞車?唔係呀化?星期日喎~~~~原來出隧道口有架巴士壞在係度,但係11:30am就出到去,去在三聯睇下有咩新小說,再上圖書館借,睇中兩個作者既書,不過駱克道個間就冇,跟住就開工,又係鬼咁無聊,D死人opac機真係好野,同一時間hang四部,埋一齊罷工,有D外地人用腦,不過佢就唔多識用.......又有D人唔係print野,但係又禁在print,攪到真係有人要print野既時侯出左D唔要既野,好快就到五點,熄晒D腦就走,又去左老M食包,食完見到有車,追到,好快就返到屋企lu........

星期六, 11月 12, 2005

冇溫書喔

今日朝早又係上網,睇下呢樣玩下flash game咁,食完lunch,上多陣網就繼續玩FM2006,曼聯仍然不敗,作客阿仙奴落後1:3既情況下係最尾個幾份鐘連入兩球追平,唔使比佢打破不敗身,不過聖誕節就真係好多波打,好在隊波班底厚,多人用,可以打車輪戰,但係後備左翼傷成兩個月,Giggs又唔係可以場場踢,D青年軍又借左比人........要踢433,夜晚down左Need for speed: most wanted既demo黎玩,幾好玩丫!!D車鬼咁甩,可以甩尾喔!!但係下個禮拜二就test AP,溫都未溫過,點算呀...........

星期五, 11月 11, 2005

Open day

今日開始到星期日係TYIVE一年一度既open day,呀Sir話要著suit,不過我冇褸又冇tie,剩係得衫同褲,仲冇皮鞋........Ricky就著到成個"郊野公園保育員"咁^.^呀姐真係著suit,不過就幾靚,係就係隻小腿肥左小小咁,對鞋又整痛佢隻腳.......十點就返到去,不過呀祥仲早,佢真係成套suit著返黎.十一點就開始workshop,係咁意比班學生玩下router,不過呀Sir就有D玩野,先係教erease start,再其佢地自已諗ip address同subnet mask,嘩!!打錯erease就........佢地又邊識ip address同subnet mask既關係丫......搞到個個要問.......好喇,完,走去食lunch,今年唔使剩係得三文治,有飯食,不過就得好小,你個canteen都係問番IVE羅錢既啦,使唔使咁呀!!食完就走去其他學系道玩,Ricky又發顛..........返去204,見到唔使我地做workshop,同呀祥出左去玩,同佢影左幅相,跟住入左library,玩遊戲,抽獎,原來有本書抽,返去204叫埋Ricky上去再玩過,今次抽到本書,玩完等左一陣去左聽IPv6,人家日本已經用緊IPv6,亦都係大勢所趨,但係香港政府仲係一D聲氣都冇,又話要高科技喎.......聽完就成班人走,今年D車去青衣城,成七點幾先返到屋企,今年總算收獲豐富.哈哈.

星期四, 11月 10, 2005

貼poster

今日原本返十點半,但係要print poster,所以早左半個鐘返,係地鐵道同Ricky講開用乜"痴"D箭咀落張poster,我話用呀姐支百特叔叔,點知轉個頭就望到呀姐係角落頭......又會咁岩......返到去,大興話部printer冇粉喎,又print唔到........上完堂佢仲未返,出左去食車仔飯,D人都唔睇野既,呀恆要麵,但係比左飯,好野!!番到去坐左一陣,大興終於返左黎,拿拿臨print, print完之後要諗貼係邊,仲要剪箭咀,剪完,貼左一半poster,呀姐上完射箭,叫左佢諗貼係邊,呀祥連堂都唔上黎幫手,其實係唔想AP lab.貼左張係電梯道......貼晒之後就走,同呀姐夾手夾腳拉左呀恆去坐東涌線,嘿嘿嘿

星期三, 11月 09, 2005

整poster

返八點半,又係咁zzZZZZ,返到去諗住羅Ricky份PQM做埋尋日搵唔到個D,點知佢冇帶返黎,拿拿臨走去印過,冇啦!係咁意做埋就交左,晏晝係canteen食左個咖哩炸雞飯,D咖哩都唔差,係D炸雞唔熱,跟住上NT2A,做switch,對我黎講就梗係唔難啦!Ricky話要自已一個做,走左入204e,最慘既係呀John又走埋入去,搞到佢.........落堂,整open day張poster,整到五點幾,諗住搵大興print,,不過佢已經走左............

星期二, 11月 08, 2005

做功課?!

今日又冇返學,係屋企打下機上下網,晏晝做PQM,上網搵左本e-book,做左唔少,得番兩題搵唔到,聽日返去做,跟住打FM2006,隊曼聯係聯賽仲係不敗,歐聯又小組首名出線,係聯賽杯出晒後備既情況下作客輸比強陣出戰既利物浦,依家諗住買番D人番黎,不過就就黎冇$.......

星期一, 11月 07, 2005

恭喜Ricky~~~

今日上完一個鐘wireless之後,行緊去canteen個陣,Ricky收到個電話,話佢舊年成績好,有獎學金,真係恭喜佢,起碼都可以塞住佢D姨媽姑姐把口.....
係canteen坐左一陣,落左去姑娘道羅左四粒喉糖,個喉嚨紅晒,講多D野都唔想,晏晝食左麵,跟住就上DT,又係hir.......落堂,去踢毽,踢左一陣就上左去打機,到AP堂又zzZZZZZ......問題係佢比左份assignment......shit,又要做野.....放學,返屋企.喉嚨仲好唔舒服>.<

星期日, 11月 06, 2005

開工大吉

今日第一日返工做CT,朝早係灣仔飲茶,飲完末夠鐘喎,就行下灣仔先,11:45就上到去,館長出左黎同我講左D野,佢都好好人,幾nice,講完就比左件衫同工作證我,跟住就開工,有班靚仔係度嘈生晒,點叫都仲係要嘈,好在好快就走晒,有個冇走既就係度打GBA,不過就有兩件"騎呢"事,首先有兩個細路女話唔見左老豆,係圖書館喎..........跟住就有個呀媽黎話唔見左個仔...........話個仔黎左圖書館,但係就唔見佢,又打唔通電話,原來個仔返左屋企.....................=.=.有個人話要搵一間出版社既書,問點解唔可以用出版社黎搵書.又有個唔知賓賓定印印要登記e-mail account,hotmail得中文,搵唔到英文比佢,介紹左佢用yahoo.仲有半個鐘唔到就收館個陣,三部opac機一齊hang........好野!!有D人鬼咁有手尾,用完D腦之後熄埋機,搞到我要開番.總括黎講都係"返工得放工",悶到死........無聊到好順手咁擺番好D靚仔擺係電腦台個D書.放工走左去老M食左個包,跟住就歸家lu......

星期六, 11月 05, 2005

第二最愛

誰陪著我回家 你知道吧 不甘心嗎
當 我是傻瓜 不可點化
才放棄你 望著你走吧
其實與她 都間中吵架
無奈當天 說起婚嫁 還是挑選她
從前情人好嗎 現在幸福嗎 還生起嗎
誰人何時提我 給你一個家
從前情人還好嗎 尚獨身嗎 還想我嗎
無緣成為最愛 卻又很牽掛
從前情人好嗎 自己都驚訝
哎也也也分開 加陪念掛
你不信吧
最懂得我脾氣 是你吧
其實那天 親你時 難忘記她
讓你 猜到吧 識破吧
由於心死 才會不說話
其實這天 當我親她
同樣一般那麼想你 難道你未明嗎

星期五, 11月 04, 2005

card reader手指

今日向班長羅左隻USB手指,包埋張128MB既SD card,都係$89,尋日係電腦城見到塊128MB既SD card都要$88,比多蚊就多個card reader,都唔算貴,試過都用到.以後再唔使剩係寄e-mail lu......
上DT,竟然知道佢講乜,佢終於用番中文,好好多.......出左去食lunch,本來諗住食車仔飯,但係間舖道見到呀John........逃..........走左去食撈麵........堂AP又hir,佢地係度刨薯仔........呀恆用左29秒就刨完,勁!!放左學,去基地,呀情等左好耐先有位打,輕易就贏左........
六點先走,六點半係中環上車,成七點十先返到屋企,D roadshow又repeat la.......shit

星期四, 11月 03, 2005

好貴呀~~~~

今日上堂冇乜野事發生,知道呀祥同呀澧會同我地一齊係open day做router workshop.放學後係canteen道食,食完又玩七級豬,爭D輸埋.....>.<
同Ricky一齊走,去左電腦城買CD-R,用開個隻e-blue要成八十蚊,貴左咁多既?最後買左BenQ......順手睇埋MP3,不過就冇乜MP3機可以直插USB.........返到屋企就梗係FM2006啦!!

星期三, 11月 02, 2005

唉.....好辛苦呀

今日又朝八晚五,晨咁早就要返去,堂PQM繼續吹水.............跟住既Tutorial講tutorial sheet,不過有D題目係冇既???唔係呀化.........NT2A個lab唔難做,不過呀恆佢地個部router做唔到,班長又發爛渣.........個DT lab到我到做唔到.......要eddie黎睇先做到,不過有好多人玩電話羅=.=

星期二, 11月 01, 2005

返學?

今日竟然返學,返去做另一個report,係咁意就做下,話咁快就寫完我要寫個part.hir多一陣就走,同埋呀恆食完野之後就搭車走人,去左times道睇MP3,不過就貴到死.........返到屋企繼續玩FM2006,果然冇買錯當路雲,佢三場波入左六球,哈哈哈