日記

好耐未寫過「日記」啦，今次就寫返今日做過D咩啦~~~~

朝早都係係屋企打機上網咁囉.......點解冇返工呢，因為晏D有約會丫.....
今日同左班舊同學同Miss歐陽食飯，又係教會道食，不過就唔係係彩虹，係觀塘....好近班長屋企下........五點九等麻，所以就好準時到啦，點知.....唔見人囉....終於見到Miss，但係唔見其他人.....等下等下，又打電話，點知原來對面有班人就係...=.="我仲以為唔係添，佢地真係變晒樣囉......唔怪得我架.......去到教會，叫落外賣，就講下自已近況啦，有人已經讀緊master......大部份都係讀緊U或者岩岩畢業，個個都有學位.......:cry:Miss原來好耐都冇教書......就快轉做神職人員，係11月30日就正式就職，有個典禮，希望到時得閒去啦.......又食又吹水，個個都好玩得，隔左咁多年仲可以咁玩得，一D都冇疏遠既感覺，真好~~~~~玩到成十點就走啦，Miss都要休息架麻，所以我地成班人去左食糖水，佢地真係......狂食人地個D囉，好在自已個份糖水勁「行」 姐，唔係就冇得食啦.......呀草好慘呀，份糖水冇左一半.......食完都成12點......齊齊去搭地鐵返屋企啦，去到銅鑼灣諗住搭96啦，見到尾班車係十二點半，點知等下等下都冇車，睇清楚D，原來假期既尾班車係十二點五...=.=....要去搭van仔...........真係好sosad.....全日都咁sosad......

又好耐冇寫過............

又好耐冇寫過日記啦~~~~晚晚都掛住上mini.....已經唔多理呢度lu......
點講好呢?
就咁啦

返工:依家返兩邊，香港仔同赤柱，香港仔就同平時一樣，係有一日有一家「金星人」黎光顧，個仔就唔見左部電話，館長就有D「拿屎上身」既情況下叫人去報警，結果個警察叔叔就被逼睇CCTV.......金星人冇左個通訊器材係咪會返唔到金星架？火星人依然係度......仲要問佢D火星學校既功課......叫人點答呢？仲有，原來個「姜大少爺」係讀我以前個間小學.......suck......又同Ricky換左時間，原來星期六晏晝一點咁死多人架........星期一五返赤柱，無聊到死，冇野做既，次次都係比人叫做D唔係我做既野.......不過麻，見到佢地咁忙，自已又咁得閒，咪幫下手囉~~~~又唔使死既......又唔比上網喎......仲有咩做呢.....?

屋企:平時咪係屋企囉~~~都係離唔開打機上網同搵工......寄左唔少信出去，不過就全部冇回頭囉........無言中........搵個D已經係中七以上個D......個Dip都叫係中七以上呀.......得閒就打機咁囉.....仲玩緊隊祖雲，第三年岩岩贏左意甲同歐聯，好野~~~~依家要帶意大利踢歐洲國家杯.....不過第一場就和左啦，多得尼斯達送大禮........跟住就贏返場，咁都叫做出線.......我要捧杯呀!!!!祖雲個邊又買好多人喔，預算要買捷禾，史韋恩舒迪加同伊巴，其中史韋恩舒迪加已經花左12M買左返黎，捷禾預計要15M，而伊巴更加要40M......錢呀......冇晒啦.......

22歲喇....

10月4日....22歲啦....都係靜靜地係屋企過,朝早上mini就見到有唔少天秤人同我講生日快樂,多謝你地呀~~~食完lunch,去左砌軍曹啦~~~唔難砌既咋~~~~好快就砌完啦~~~好得下架,隻細細隻既Keroro既關節位仲可以郁架~~~好靚靚架~~~砌就又上網呀打機呀咁囉~~~~~個生日就好平靜咁過左啦~~~~

10月5日.......hea足一日.....

10月6日,今日第一日返赤柱,唔知D巴士幾時黎,所以好早就出左街,落香港仔等73,等左一陣就有車啦~~~上左車,架巴士開得好快....(驚嚇)...好早就到赤柱啦......所以....行下街先,反正都好少到赤柱.....行到去赤柱廣場,去左McCafe食野,D野睇上去都幾貴下,$14一份三文治,$17杯朱古力,但係就真係勁好好好食/飲囉~~~~飽飽就入去圖書館做住讀者先,行左一個圈,好細....=.=...得4部opac機2部multimedia機,同埋10部上網機囉.......跟本唔需要CT囉......我幾乎坐足5個鐘....=.="....D opac機竟然可以冇hang過囉.......我剩係開左兩次internet機D門囉......撞到以前返香港仔既sb,佢話唔做sb啦,轉做ct喎~~~~祝你好運啦~~~~佢依家都係上書.....我剩係可以幫到佢上857(小說)....其他就幫唔到佢啦......放工就好快走人.....連opac,借書機都唔使我熄囉.......坐6x出中環,好多人,好逼.....=.=...坐到去金鐘就頂唔順落左車,搭地鐵去青衣同貓貓做生日,佢.....15.....但係就打扮到好成熟......誇張左小小.....同埋大佬千同拜仁去左食pizza hut,四個人都係食左二百幾蚊,食到8點,原本話出去維園,但係個小妹妹臨時話唔去......大佬千又唔想去咁遠,得返我同拜仁去,係葵芳峻峻同Gog join埋一齊去維園~~~~去天后join埋天秤座小姐~~~~跟住齊齊去啦,好多人囉....好逼.....入到去,冇野睇既......=.=".....跟住話去燒蠟燭,走左出去買蠟燭.......好辛苦先買到.....又逼返入到......但係好難先搵到位燒....我地又冇鐵蓋,比人話~~~~天秤座小姐好辛苦先搵到個鐵蓋返黎燒.....玩到12點幾就走人啦......搭車返屋企啦~~~沖埋涼又上mini,佢地都返晒屋企啦,除左峻峻......佢話搵左半個鐘van仔~~~~

10月7日.....又返工啦~~~~同平時差唔多啦.....又係有火星家族黎囉.....又有訓街既囉.....冇乜野既~~~煩D咋麻....

月記~~~=.="

又成個月冇寫過野啦~~~~
好懶喔~~~~~

都唔係好記得做過D乜lu......:sosad:

講下返工先啦就~~~~
呀峰唔做啦......星期日個位就我替左佢,星期六就Ricky替左佢,即係星期六日同公眾假期都係我同Ricky......都係hea多.....hea下hea下就收工啦~~~~當然唔少得就去左食零食啦~~~食食食~~~已經肥啦~~~做要食~~~嘩~~屌,個勁污糟既死肥佬冇黎過之後黎左家「火星人」,呢班火星家族真係難以溝通,幾乎聽唔明佢D火星話......仲要日日係咁黎......地球好安全架,唔好黎侵略我地呀...>.<(軍曹上腦中....)館長又發膠.....無啦啦話要管埋堆靚仔上乜網.....你都膠既,人地唔上鹹網,賭錢,打機,你都管唔到人既啦......人地有人權架......真係.......(汗..).........今日幫人頂左半日City Hall,真係咪搞,好X煩.....個死人server又虧虧地,搞到成堆人係度舉手話上唔到網......個printer忙到死.....有個人要print成百幾mb既野........想load死個「巴er」.....仲有D非洲人.....D英文....聽死人......以後都咪叫我返city hall呀.......

其他時間都係係屋企上網搵工呀,上mini呀多囉~~~~再唔係就打返我既FM.....整左個非官方既update,祖雲係乙組....幫佢升返上甲組,第二季就贏意甲同UEFA Cup~~~連意大利足總都請埋去做意大利國家隊領隊~~~~好開心喔~~~玩左成年先第一次有人請去做國家隊.....早幾日又DL左FM2007 demo,D人貴到死......都係等正式版先玩.....

係9月27日,夜晚同左大佬千做生日,仲有峻峻,肥迪同路路,估唔到路路咁大份~~~~肥迪又係唔出聲...大佬千話買棟cdrom比佢~~~去左食韓燒,都食得幾飽下,一路食一路吹水~~~走人,成班人叫做陪左肥迪返屋企,跟住我就搭車走人啦,返到屋企都成11點lu~~~
9月30,就係我地籌備左好耐既天秤@mini生日月meeting,首先搭車去左灣仔買份禮物先....跟住坐地鐵去香港站會合埋Marco,原本仲有其他人架,不過Kelvin,華Dee,小德德臨時話唔去得,水上人要遲去,得返我同Marco兩個.....吹下水咁就去到荃灣地鐵站,見到肥迪,好早喔,去左百佳買小小野先~~買完啦,人都到齊,一大班人就出發去小覽~~~係車道成班人係咁嘈~~~有一半係第一次見呢,落車,見到個bbq場,同想象有段距離囉......比左錢入場,比個路口我地,屌,成日有爐係身邊出出入入囉......開始燒個陣仲要落雨囉,仲要唔細雨先死,問佢D人羅太陽傘好似問佢乞咁,終於落完雨,開始燒啦~~~食左好多丸同腸~~~燒左一陣就開始玩,不過就有人話我地得13人唔可以用咁多table喎.....得三張table,放得私人野,放得野食,得返一張table玩囉.....咁多人逼埋係一張table玩囉.......峻峻想打牌,但係比人借晒,冇得打,成班人就得份uno同啤牌玩.......夜D大佬千,水上人,Wing大同維維都到齊~~~~夜晚......燈光唔夠,搞到我地幾乎睇唔到燒緊既野熟未囉....=.="....都係燒丸算......到差唔多走個陣先開個大電視比我地睇囉......場英超早場都差唔多完場啦.......到10點就走人啦~~~搭紅van出旺角,肥迪坐係隔離,真係cdrom.....成程車幾乎冇出過聲.....架紅van去到90km就好似去唔到咁....都唔係好忙命姐~~~出到mk,想搵糖水食,係mk行行行,好多地方都冇位.....結果去左許留山食,好死逼呀....=.=....又吹水,去到12點我就同Marco走先啦,返到屋企都成點lu......沖埋涼開腦,佢地都返晒屋企啦~~~~個晚成2點先訓......朝早仲要返工.......搞到成日都鬼咁眼訓......

週記

又變左週記~~~~=.=

其實真係唔多記得做過D乜.........

8月30日(三)
起身都係食早餐，睇報紙，開腦上網。但係呢，到11點幾，呀Joe打比我，叫我12點返大會堂.......點返呀，即刻搭車出去都未必趕到啦，仲要食唔到lunch......咪同佢講趕唔切羅，過左10分鐘島，佢又打比我，問返唔返到香港仔，返12點10，返香港仔又返成一點就梗係得啦......咪答應左佢羅，拿拿臨食飯，準時返到去，見到Herbert,佢臨走都要問我既MSN同電話.......比佢羅咪，我又唔係女仔呢~~~但係電話就......roster都有啦......成個晏晝都係得我一個羅.....都幾多人下架.....正維又返黎做義工(定係溝呀涼粉呢?)，7點先放工，返屋企lu........

31日同1日都係無無聊聊咁過羅......同平時一樣.......

9月2日(六)
今日又係返工既日子喔，不過爸爸同媽媽今日放假，所以去左飲茶，晨早就落左去香港仔間嘉年華搵位，超多人羅......要慢慢搵先有位.....原來星期六好平，所以咁多人黎飲茶........叫左好多點心食，飽飽去開工，今日係9月，所以冇晒summer helper，得返一個人羅......不過就相對少左人，少左好多靚仔黎睇卡通，上網既就同平時一樣勁多人，到12點既時候個電腦房已經冇晒位.......呀峰真係到12點先返到，佢話用5分鐘食左個lunch...@.@...食得咁快架.....咁成個晏晝都好hea下......涼粉同Yaki都返黎無無聊聊......=.=.....放工就成班人去左耶林閣食tea，都幾貴下羅.......又唔多好食，食食下有條pk走個陣係我地隔離話「嘈嘈嘈，仆街」，屌，唔嘈得呀，報警丫(引用肅公子)，都痴膠花既，吹水吹到6點半先走........返屋企lu.........

9月3日(日)
成9點幾先起身.......所以去左新光飲茶.....今日見到有8新點心喎，甚麼「芝士蝦春卷」喎，見到都幾好食咁，咪叫左黎食羅，又真係幾好食喎，芝士味幾重下，跟住就去百佳買野，返屋企，食完tea就睇南華VS港會既香港甲組聯賽，好難得本地聯賽有直播，咪睇下羅，南華今年又勁左，不過呀歐偉倫就..........變左死火倫........個球證都好有問題，從後踢腳都冇牌羅........半單刀阻人前進又冇牌......=.=.......港會個龍踢得唔差，救左好多靚波。睇完就開腦lu，又同mini天秤人狂吹水~~~~

9月4日(一)
未訓醒就起身小人，樓上班仆街，尋晚已經成12點仲黎dup野，不過就好快停左，今日晨早7點又係度dup，都痴9線既，你唔撚使訓人地要架，仆你個街，要dup都唔係呢個時間黎dup呀!!!

好飽~~~~

好日都唔出街食晚飯,一係就連續兩日出街食....=.=

星期六,都係返工咁羅.....頭一個鐘冇summer helper,好悶呀.....又要做晒D野佢喎,部死人printer又慢到嘔,好在成個上晝都冇人要print野姐~~~11點先有人黎幫手,又吹水.....12點呀峰返黎啦~~~又吹水.......成日都吹水咁過.......正維又返黎做義工,佢真係好得閒.....不過就曳曳喔,同個summer helper去睇戲~~~~原本好清靜,但係發生左兩件事.......第一件係,有個同事比架書車整親隻腳,腫晒,仲話傷左個度冇晒感覺........結果係5點叫左白車.....好在冇乜事咋~~~~~第二件係個人妖又黎......都唔係問題,問題係佢著既衫.....嘩!!!簡直超級驚嚇......嚇得死人架......好恐怖呀!!!!放工.....同Ricky,Liza同人地家姐去左188,Liza買ndsl,咁就千七......舊個部nds就賣左比Ricky,條友又話冇錢羅...=.="......買完就搭車去尖沙咀....會合成班同學仔去食飯,去食半自助餐,D意粉唔差喔,不過D pizza就唔多好食....個餅底唔得......又食左個朱古力蛋糕,好好食喔~~^.^,William竟然食得好少.......不過我地12人,大大話話都食左30碟意粉/飯,5個pizza,12件蛋糕,N個沙律同飲品........都係平均$120一個~~~~~

星期日.....飲完茶就去百佳買左成百幾蚊野......跟住咪返屋企羅.....羅住咁多野仲出街咩~~~返到屋企都係打下機,水網咁羅......5點媽媽去左睇呀公,到8點就同媽媽去左海怡食飯,太夜喇,點煮呀.......兩個人,唔知食乜好......結果去左花園道食,開頭諗住食小菜,但係諗下諗下,又叫唔得多.......結果變左打邊邊,食左兩碟肥靠,鴕鳥肉,魚,丸同菜.....好飽飽呀~~~~埋單都係$186.....同去据扒差唔多.......跟住就返屋企lu~~~~~

N咁耐都冇寫過...=.="

真係N咁耐都冇入過黎寫野.......都係因為懶xdddd
今日無聊就寫下,不過都唔記得好多野~~~~~

呢排做過咩呢....?
都係離唔開搵下工,上網,打機同返工........

搵工麻.......都睇中唔少既......不過仲未send求職信羅.....點解?因為fail左羅......張成績表有5大個"F"係度.....都唔知點寫同點講好.....依家仲仆街,真係有5大個F,都唔知佢地點撚改卷既......好想唔讀......搵份工做做先,遲下搵其他野讀過算.....

日日都上網,仲不斷咁上mini........係天秤post道吹得好勁,搞到平均每日有成230既在線時間,即係差唔多有四個鐘...=.="不過真係傾得好開心,乜都傾得一餐,當然,唔少得同其他人假肥迪啦~~~~鬼叫佢同峻峻既關係咁呀~~~早排打三號風球個陣又識左幾個住係利東既mini人,原來有好多利東既野我唔知架,住左十幾年.........=.="又有人開左個左手仔post,又入埋一份,有唔少左手人都係用右手寫字架,因為係屋企人或者幼稚園強迫的......侵犯人權呀,歧視左手人呀>.<.......又入左香島post,搵下人吹水,不過有陣朝早勁少人,得個推字........又可以大玩crossover,週圍踩人場^.^識多D mini人~~~~~~依家搞緊930既天秤生日月BBQ~~~不過仲未決定去邊.......唔會去港島同新界,因為太遠......最好係九龍啦~~~~

打機麻.....近排打三隻game, OutRun, FM同CS CZ,OutRun比想象中失望,個online system做得唔係咁好......好難開server同人玩......自已玩既話又好快悶......仲要成日炒車,搞到全走唔夠時間,依家就夠,不過都要炒一次車先得...>.<.....
打FM,岩岩開返好耐冇玩既1860慕尼黑,第二季第三過終點,有歐聯踢喔^.^,不過就好既球員就唔多肯黎......沙維奧拿同米高利都推左......要大拿拿用5M鎊買個前鋒返黎......有個死仔唔肯走,免費都冇人要,諗住送$比佢走,20萬鎊咋麻,又唔係冇,但係上頭就唔比.....霸住個歐盟位.......搞到想買個巴西人都買唔到=.=.......今年目標要入到歐聯(即係聯賽要排1-3),係歐聯就最好入到最後16強,咁就大把$賺啦^.^,咁出年就大把錢買人lu~~~~
近排又DL左隻CS CZ,畫面靚D,有mission玩,不過就幾難下,D對手好鐘意捕死位.....D隊友又唔睇位....成日比人打瓜......不過真係好好玩,玩變態,用閃光彈掟去D人質道,搞到佢地乜都睇唔到,再掟個手留彈過去,炸Q死佢地,嘿嘿嘿嘿嘿嘿嘿,恐怖份子麻,當然要殺平民的啦xdddddddddd

個個星期六都要返工,不過個暑假有Summer helper幫手(幫手吹水?)就真係好幫手,唔使得我一個個陣做死,冇乜人就狂吹水xdddddd,好好傾,佢地全部都係中五,有個會考有7A,不過中文死左,拔唔到尖,可惜可惜.......個師弟竟然得7分...=.=.........冇問佢邊科有D,如果佢英文冇D既話就真係.....讀左5年英中都至少要有個D啦........Ricky成日入黎print野.....死仔......呀峰又掛住睇叮當....=.=......

仲有野做既.....就係睇軍曹~~~~個個星期日就去搵,B落黎,都係睇日文版好D,順耳好多.....不過都會睇下無線版既~~~~又睇左幾套戲,軍曹大電影冇電視版咁gag......睇埋四條腿同狼羊,狼羊好睇呀....